أكل وشرب

٦ محلات لتعملوا صبحية مع قعدة لطيفة

محبين الصبحيات بيعرفوا شو أهمية أول فنجان قهوة أو شاي بيشربوا بالنهار وأول لقمة، فكيف إذا كان مع قعدة لطيفة؟

جمعنالكن ٦ محلات فيكن تعملوا فيهن صبحية مع فنجان شاي أو قهوة وقعدة مهضومة.

١. أزوردي، اللقلوق

إذا بدكن تعيشوا يوم حلو بمنطقة جبلية خضرا وتقضوا نهار مميز مع الشلة بمحل بالطبيعة، لازم تروحوا على أزوردي وتستمتعوا بفنجان شاي لذيذ والمنظر الجبلي الخرافي.

الرقم: 868 888 76

٢. هافن ذا كابين The Haven Experience، جبيل

هافن ذا كابين هوي مكان كتير خرج تقضوا في وقت ممتع مع رفاقكن، تشربوا فنجان شاي سخن أو قهوة مع فيو، وتقعدوا على التكايات المريحة وتستمتعوا بالمناظر رائعة.

الرقم: 157 576 76

٣. بلو هاوس تي Blue House Tea، الجميزة

إذا بدكن تجروا شعور الفخامة والأناقة وتعيشوا تجربة بيت شاي مميزة بمحل بيشبه القصور، لازم تزوروا بلو هاوس تي. بتلاقوا عندن أكلات وحلويات بسيطة ولذيذة بتلبق لفنجان الشاي وعندن كل الطعمات والنكهات لتزينوا الفنجان وفوقن ورود.

الرقم: 428 956 01

٤. كانتينا سوسيال Cantina Sociale، الأشرفية

هيدا المكان دافي ومكنكن ودايماً عندن قصص جديدة ومهوضمة. بقدم أكلات مبتكرة، من توست الأفوكادو للاتي بالكركم وأطيب شي عندو فنجان شاي الماتشا. فيكن تجمعوا أصحابكن وتعملوا قعدة مهضومة وتلعبوا بالألعاب الموجودة بالمحل.

الرقم: 714 324 01

٥. لبنان Loubnane، البترون

مطعم لبناني بيقدم أكل بشهي وأصناف المازة اللبنانية الأصيلة، مشروبات، وبالطبع قهوة وشاي على اللبناني، موجود بالقلب النابض للبترون، وما رح تندموا إذا زرتوا.

الرقم: 007 220 81

٦. قهوة أنطون، عمشيت

بيستقبلكن بقلب الديوان وبحضرلكن أطيب فنجان شاي إكرك عجم لتستأنسوا في على الآخر وتفرحوا قلبكن من عبكرا. فيكن تطلبوا ترويقة عزوقكن وترجعوا تكفوا صبحيتكن عرواق.