بوظة بقلب الحامضة…سفرة ع ساحل إيطاليا من أول كدشة!
إذا بعدكن ما جرّبتوا الـ Amalfi Sorbetto al Limone الجديد من Sogno، عنجد فاتكن كتير! بوظة حامض طبيعية ومنعشة بطريقة بتاخدكن دغري ع شط أمالفي بإيطاليا.
منظرها لحالو بتنغرموا فيه، بتتقدم بقلب حامضة حقيقية، مع ماكارون فوقها!
من أول كدشة رح تحسّوا بالحموضة الخفيفة والطعم الفريش الطبيعي يلي بيبوردكن من جوا. القوام كريمي وخفيف بيخلّيكن تخلصوا وحدة وتفكّروا بالتانية دغري. لا حلوة زيادة ولا حامضة زيادة، التوازن فيها بيجنّن خاصةً بهالجوّ الصيفي.
وكمان Sogno نزلوا منيو صيفية جديدة مستوحاة من إيطاليا ونكهات الحمضيات. كل صنف ألذ من التاني، خاصة بعد مشوار البحر أو ضهرة مع الأصحاب:
🍋 جيلاتو ليمونسيلو
🍰 تشيزكيك الليمون
🥤 ليموناضة لايم
🍮 تيراميسو ليمونسيلو
بس الـ Amalfi Sorbetto لحالو تجربة، وأكيد رح تشوفوه بكل الستوريز هالصيف. وإذا بتحبّوا الليمون والنكهات الإيطالية، هالمكان لازم يكون ع الليستا. خدوا أصحابكن وروحوا جرّبوا المنيو الجديد قبل الكل! 🍋✨
📍 أنطلياس
📱الرقم: 635 555 71
تابعوهن ع انستغرام هون.
