أجمل 43 محل لتعيشوا جو الربيع حول لبنان
ما في أحلى من الربيع بلبنان! إذا كنتوا من عشّاق الربيع وعبالكن تعيشوا أجواؤه بكل تفاصيلها، هيدا الدليل إلكن. بما إنو بلّش يدفى الطقس، كل زاوية بلبنان عندها طريقتها الخاصة لتحتفل بالربيع، وأكيد رح تلاقوا المكان اللي بيناسبكن لتعيش هالتجربة بأحلى طريقة. بهيدا المقال، جمعنالكن أجمل 43 محل لتعيشوا جو الربيع حول لبنان.
بقلب بيروت:
1. Galilee – وسط بيروت
من أجمل وأرقى الكافيهات ببيروت! ديكور فني مميز كلو شغل إيد، وقعدة بين الورود بترد الروح. بيقدموا قهوة مختصة، منيو موسمية، وأجواء كتير رايقة. غير هيك، دايمًا عندن ورشات بوكيهات، نادي للكتب، ونشاطات حلوة بتجمعكن مع ناس بتحب الفن والجمال.
الرقم: 073 444 76
2. Bouquet Délicieux – بدارو
محل ورد وكافيه كتير لطيف، بتطلبوا قهوتكن وجنبها بوكيه ملوّن!
الرقم: 291 201 03
3. Jacaranda – مار مخايل
كافيه ومطعم مستوحى من جمال شجر الجاكراندا البيروتي، جربوا القعدة تحت فياتها والرواق عندن غير!
الرقم: 522 637 76
4. بيت كافيه – مار مخايل
في أجمل من قعدة بين الورود وبين الخضار؟ هيدا الكافيه الرومانسي ما في متلو ببيروت.
5. Albergo – الأشرفية
أجمل أوتيلات بيروت عندو مطعم وكافيه بين الخضار بنسيكن إنكن بالمدينة!
الرقم: 797 339 01
6. Zii Flower Bar – الجميزة
جوهرة مخباية بشارع غورو. من أول ما تفوتوا، رح يلفتكن الديكور التراثي الساحر، الإضاءة الدافية، وزوايا الورد المعبيّة المكان. قهوتن طيبة، وكيكة العسل مع الورد بتعمل جو رومانسي كتير مميز.
الرقم: 033 844 78
7. Joy of Beirut – قريطم ورملة البيضا
محل كله حياة وألوان بقلب بيروت. بتاخدوا قهوتكن، شوية ورد، ويمكن دبدوب صغير كمان، وبتعيشوا أجواء ربيعية بتغير المود دغري.
الرقم: 589 996 03
8. Maison Des Roses – راس النبع
إذا بتحبوا الأجواء الحالمة، هيدا المكان لإلكن. عالم وردي بكل تفاصيله، من المشروبات المعطرة بالورد للحلويات الملونة، مع ديكور كلاسيكي أنيق وقعدات بتشبه القصص. وما في أحلى من وردة بتاخدوها معكن قبل ما تفلوا.
الرقم: 733 809 03
9. Agora – مار مخايل
قعدة تحت الشجر وجنب نافورة المي بقلب بيت بيروتي قديم!
الرقم: 304 109 70
10. Kalei – راس بيروت
بتعرفوا في بيت بيروتي مع قعدة بتروق الراس بين الشجر بيقدم قهوة مختصة ومخبوزات بتشهي؟
الرقم: 342 780 03
11. Orenda – مار مخايل
مكان بيغمركن بألوان الربيع، الأطباق الغنية، والقعدة تحت الشجرات وبين الفنون.
الرقم: 886 927 03
12. Union Marks – برج حمود
زاوية مخباية ببرج حمود، بالنهار عندن برغر وقعدة بقلب جنينة وبالليل بيصير بار مميز للسهر.
الرقم: 255 100 71
13. Daraj – مار مخايل
درج هو جوهرة مار مخايل الزهرية ! تفرجوا ع جمال المحل، اقعدوا جنبكن الورود، وجربوا كيك العسل يلي بيعملوها!
14. Mario e Mario – مار مخايل
مطعم إيطالي عندو قعدة كتير رومانسية، قعدة تراس مع خضار معلّق وأطباق بتشهي.
الرقم: 036 888 76
15. PizzAria Trattoria – مار مخايل
مطعم إيطالي عندو قعدة جنينة بقلب بيت مكنكن وقديم!
الرقم: 386 386 70
16. La Burrateria – الجميزة
قطعة من إيطاليا بقلب الجميزة، ألوانها الربيعية، النقشات الإيطالية، والفواكة المزينة المحل، كلو رح يفرفح قلبكن من جوا!
17. كافيه يونس – الحمرا
عبالكن قهوة مختصة وقعدة تحت شجر الإكدنيا؟ لازم تزوروا فرع كافيه يونس بالحمرا!
الرقم: 577 397 01
18. ملفوف استديو – جعيتاوي
محل بيعمل ورشات بتعلمكن تنسيق الزهور وكيف تعملوا بوكيه خاص فيكن، أديه مهضوم؟
الرقم: 274 930 71
19. Beit Wroud – الحمرا
محل ورد لطيف جمع بين البوكيهات الحلوة وكافيه دافي بقلب الحمرا. غير القهوة، عندن بوكسات وهدايا بتفرّح القلب، مثالية لأي مناسبة أو شخص بتحبوه.
الرقم: 565 974 76
20. صالون بيروت – الحمرا
زوروا صالون بيروت وقت البرانش وانبسطوا بتجربة حلوة بقلب حديقتن!
الرقم: 317 133 03
21. Maison Prunelle – وسط بيروت والبترون
أول ما تدخلوا عندن رح تلاحظوا نقشات الورود وين ما كان، ع البلاط، الكراسي، الأطباق. جربوا عندن حلويات فرنسية مع أجواء بتاخدكن ع باريس.
عندن كمان فرع بالبترون جنب البحر، كمان بيتميز بالنقشات الموردة والأجواء الربيعية والصيفية المفتوحة.
الرقم: 806 999 81
22. Villa Clara – صيفي
فيلا كلارا زاوية لطيفة بصيفي لتنبسطوا بأطباق طيبة وجنبكن ورود ملونة!
برات بيروت:
23. Bouquet Café – سن الفيل
مشتل عريق تحوّل لكافيه مميز وسط المدينة. قعدة واسعة، خضرا، ومريحة بين النباتات والورود. مثالي إذا بدكن تشتغلوا، ترتاحوا، أو بس تستمتعوا بفنجان قهوة على رواق. ما تنسوا تزوروا المشتل عندن وتختاروا زريعة بتحبوها لبيتكن!
الرقم: 227 147 79
24. Flora Escape – أنطلياس
تخايلوا قاعدين عم تشربوا قهوتكن أو تقروا كتاب ع رواق بقلب مشتل؟ هالمحل الجديد بيقدملكن هيك قعدة وجو من قلب أنطلياس! بيعملوا كمان ورشات ونشاطات زراعية فيكن تشاركوا فيها مع ولادكن أو أصحابكن.
الرقم: 344 734 71
25. Bolero Batroun – البترون
من أجمل المطارح لتحضروا غروب الشمس عالبحر! غير القعدة الحلوة بين الخضار، بيعملوا كل ربيع أسواق ورد!
الرقم: 929 302 03
26. شي جوليت – القليعات
في أحلى من إنو تقضوا نهار بآذار بين الورود بقلب جنينة بالجبل وجنبكن فواكة من كل الأصناف؟
الرقم: 662 585 03
27. كيف جزين – جزين
الربيع عند كيف جزين عندو سحرو الخاص، برا بتلاقوا الورود وين ما كان مع قعدات بتاخد العقل!
الرقم: 449 441 70
28. Little Byblos – جبيل
كافيه زغير بجبيل، بيقدملكن قعدة بين الورود والنبات مع إطلالة ع القلعة التاريخية!
29. مطعم شلالات الزرقا – بعقلين
شو مشوارنا المفضل بالربيع؟ أكيد طلعة ع بعقلين، وسفرة لبنانية مفروشة قدامنا مع صوت الشلال وبين الورود!
الرقم: 301 560 03
30. Fay – البترون
تخايلوا حالكن هالربيع قاعدين ع ترسموا بقلب مشتل؟ أو تشربوا قهوة بقلب جنينة؟ هيدا وأكتر عند فاي!
الرقم: 162 614 71
31. بيت الجبل – دير القمر
الربيع ما بيكمل من دون مشوار ع دير القمر، وما إلكن إلا تكملوا عند بيت الجبل لتجربوا القعدة من فوق أجمل التراسات بلبنان! عندن حدايق معلّقة بأجواء تراثية روعة.
الرقم: 767 160 71
32. IXSIR Wine – البترون
تجربة تذوق النبيد بين البساتين هالربيع عند إكسير!
الرقم: 613 631 71
33. Crop – الكورة
الأكل عند كروب دغري طازة من المزرعة، والقعدة محاوطة بالخضار كيف ما تبرموا.
الرقم: 090 159 03
34. Limonare، سن الفيل
مطعم إيطالي عندو قعدة جنينة مفتوحة، أكل طيب، وجو رومانسي!
الرقم: 444 728 76
35. الحوش – البقاع
عيشوا أجواء الريف بقلب مزرعة بالبقاع، بساتين ع مد نظركن وتحويش فواكة، وقعدات ما بتخلص بالجنينة!
36. E Cafe – جبيل
سوق جبيل من أجمل المطارح تزوروها بالربيع، وهالكافيه رح يستقبلكن ع أحلى قعدة بقلب هالسوق، تحت الزهر وبين الحجار القديمة.
الرقم: 316 163 03
37. بيت الغابة – بكاسين
من أجمل التجارب الربيعية يلي الكل بيحبها إنو تتمشوا بقلب الطبيعة، فكيف إذا كانت بقلب أكبر غابة صنوبر بلبنان أو القعدة بقلب كوخ خشبي؟
الرقم: 222 800 07
38. Double T – الشبانية
هيك بيكون أجمل مشوار بالربيع: غدا ع تراس تحت شجر الصنوبر وبقلب غابة بعيد عن العالم!
الرقم: 919 021 70
39. La Becasse – الشبانية
هالكوخ الخشب عبارة عن مطعم مغمور بالورود وقاعد بقلب غابة ساحرة!
الرقم: 792 491 70
40. Biomass – جربتا
البوفيهات بقلب الطبيعة مع نسمة الهوا الحلوة بتلاقوها عند بيوماس. رح يفتح قريباً هيدا الشهر وبيصير جاهز يستقبلكن!
الرقم: 532 532 03
41. وادي شمسين – برالياس
شو بتلاقوا عند مطعم وادي شمسين؟ قعدة من فوق النهر، مطلة ع البقاع الغربي، ومحاوطة بالجنينات وين ما كان!
الرقم: 377 677 81
42.مطعم الشمس – عنجر
مطعم الشمس غني عن التعريف بلقمتو الطيبة، بس كمان يلي بميز هالمطعم هي قعدتو الساحرة بقلب الجنينات يلي عندن.
الرقم: 800 621 81
43. Bayt Setti – زغرتا
الكبة الزغرتاوية بقلب مطعم قزاز محاوط بالشجر من كل الميلات بس عند مطعم بيت ستي!
الرقم: 528 428 81
خبرونا، أي مشوار حابين تجربوا هيدا الربيع بلبنان؟
