٥ محلات لتشربوا قهوة مع فيو

بمناسبة يوم القهوة العالمي حابين ناخدكن جولة على ٥ كافيهات مميزين! ولأن فنجان القهوة بيكمل مع منظر حلو رح نخبركن عن ٥ محلات فيكن تستمتعوا فيهن بفنجان قهوة مع منظر خلاب.

١. ذا كوفي هاوس The Coffee House، إهمج

هالمحل قاعد على الجبل وجايبلكن تجربة القهوة مع فيو بطريقة مميزة. قعدوا على التراس عندن ومزمزوا بفجان قهوة وبأطباق الحلو اللذيذة. من هالمحل بتحلى الأحاديث والدردشات مع الأصحاب.

الرقم: 090 174 70

٢. منارة بلاس كافي Manara Palace Café، المنارة

كافيه المنارة من أقدم الكافيهات بيروت عندو فيو على البحر بيشرح القلب والروح، منو فيكن تتفرجوا على البحر وتسمعوا صوت الموج عم يرقص بدينيكن. بتطلبوا فنجان قهوة مع تحلاية زغتورة وهيك بتبلشوا نهاركن صح.

الرقم: 949 364 01

٣. الفلمنكي، الروشة

هون بتشربوا فنجان القهوة إنتو وشايفين صخرة الروشة وبحر بيروت كلو. أطيب ترويقة بلدية ناطرتكن مع منظر بروق الأعصاب وبريح النفسية. بتحسوا حالكن بغير عالم للحظة!

الرقم: 011 808 01

٤. ذا برود The Broad، جبيل

واقف على التلة وبطل على بحر جبيل، كمشوا أصحابكن وطلبوا فنجان قهوة مع لقمة طيبة وخفيفة وخلوا هوايات جبيل ياخدوكن على محل تاني.

الرقم: 646 164 70

٥. رايز Ray’s، البترون

رح تسرح عينكن لبعيد ولأديش البحر بعيد متل ما بتقول فيروز. فيكن تطلبوا ترويقة بلدية على زوقكن مع فنجان قهوة وقعدة على البحر دغري.

الرقم: 703 919 03

شوفوا كمان، ٥ مطارح بتقدم أطيب غدا بقلب الطبيعة.