آخر مهرجان صيفي هل سنة ببيروت: سهرات نار وموسيقى وأكل طيب!

توت توت ع بيروت! وصلنا لآخر الموسم وهل مرة ختامها مسك رح يكون من قلب العاصمة بيروت ومن ساحة الشهدا بالتحديد! من بعد ما برم كل المناطق والضيع، رجع مهرجان Street Festival على قلب بيروت وجايبلكن معو مفاجآت بتعقد هل ويك-أند. شو ناطركن؟ سهرات نار متواصلة لفترة ٣ إيام، سوق أكل طويل عريض، برامج للأطفال وعروض فنية وموسيقى وأجواء روعة روعة!

رح تلاقوا الكيوسكات ناطرينكن لتعيشوا الفرح والتسلاية لي رح تودعنا كل الشتوية لحديت الصيفية الجايي. أكل وأكسسوارات وألعاب ومونة وبوظة وعصير وقصص كتير طيبة بتاكلوا صابيعكن وراها رح تلاقوها هون!

ما في أجمل من إنو تتجمعوا مع الناس لي بتحبوهن حول النار بالليل وتتصوروا وتتعرفوا على عالم جديدة وتعملوا صداقات وتاكلوا أكل طيب.

شو الحلو؟ إنو الدخول مجاني متل العادة، يعني بتصفوا سيارتكن وبتنزلوا تتمشوا وبتغيروا جو.

بلش المهرجان اليوم ورح يضل لنهار الأحد بساحة الشهدا من الساعة 5 بعد الضهر للساعة 12 بالليل ورح يتضمن موسيقى وحفلات دي جي، ألعاب ونشاطات للولاد ومطاعم ومحلات ومعارض فنية وأشغال حرفية.

الولاد متل العادة إلن حصة كبيرة وحرزانة، رح يتسلوا كتير لأن في Kids Zone مخصصة بس لإلن رح ينظموا ألعاب ونشاطات مسلية متل الanimation وغيرها.

يلا يلا ع بيروت!

هل مهرجان برعاية الكشاف الماروني وبلدية بيروت، لتعرفوا أكتر عن مهرجان Street Festival اتصلوا على 420 004 81.

شوفوا كمان، عيشوا تجربة تحويش الزيتون وقضوا نهار حافل بالجنوب هل ويك-أند.