٦ مطاعم بتعمل طبخ تقليدي ببيروت 

عبالكن أكل بيت طيب ريحته بتاخدكن على بيت التيتا؟ لكل محبي الأكل التقليدي والطبخ اللبناني، تعرفوا معنا على ٦ مطاعم بتعمل طبخ تقليدي ببيروت. 

1. ة مربوطة، الحمرا 

كل يوم بيعملوا طبخات لبنانية طيبة، يخنات دافية، أكلة محاشي، وحتى أطباق شرقية بتشهي. عندن قعدة رايقة وتقليدية، وسفرة غنية وطيبة. 

الرقم: 881 743 01 

2. بيت إم نزيه، الحمرا

مطعم بقعدة رايقة ومليانة خضار، عندو أدفى الطبخات اللبنانية، الكبة الطيبة، منسف الرز، وجو تقليدي غير شكل. 

الرقم: 397 742 01 

3.  دار بيروت، الجميزة

دار بيروت بقدملكن طبخات بيوتية بترجعكن على الضيعة. بتجربوا شيش برك، كوسى محشي، أطباق الكبة، وملوخية ورز،ويخنات طيبة مقدمة على سفرة كريمة!

الرقم: 888 011 76 – 888 571 01 

4. مطعم عبد الوهاب – السوديكو، الحازمية، ABC الأشرفية

سفرة منسف وكبة مشوية ومازة لبنانية ناطرتكن عند مطعم عبد الوهاب. عندو كذا فرع ببيروت كمان وأكل كتير طيب. 

الرقم: 551 200 01 – 000 548 71 – 120 211 01 

5. جنينة الخواجة، الأشرفية 

الكبة المشوية مع عرق بلدي، ملوخية، هريسة لحمة، كوسى محشي، ومختلف الطبخات والمشاوي اللبنانية معمولة على أصولها ومقدم بكل كرم عند جنينة الخواجة. بتلاقوا قعدة حلوة بقلب الجنينة وجو تراثي بياخدكن على الجبل. 

الرقم: 569 444 76

6. مزيان، الحمرا 

مطعم مميز متخصص بالأكل اللبناني والأرمني والمغربي. بيتفنن بالطبخات اللبنانية لتجربوا طعم تقليدي ومميز كل مرة!

الرقم: 015 293 71 

وانت خبرونا، شو مجربين وحابين بعد مطاعم بتعمل طبخ تقليدي ببيروت؟

شوفوا كمان، أطيب ترويقة عالبحر بهل-٧ مطارح حول لبنان