٦ مطاعم جبلية لأحلى قعدة خريفية

ما بيكمل الخريف من دون طلعة على الجبل! ولتنبسطوا بكل لحظة بلحظتها هالموسم، لقينالكن ٦ مطاعم جبلية خريفية لأحلى قعدة هالموسم.

1.Le Télégraphe De Belle-Vue، بحمدون

مطعم وبوتيك أوتيل بين كروم العنب وواحد من أجمل مطاعم جبلية خريفية، بيعمل نبيد محلي وعندو قعدة غير شكل للخريف.

بيقدم منيو من أكل طازة وبلدي، وبتجربوا تحت فيّات الشجر وبين ورق الخريف أو بقلب بين لبناني قديم بجو مكنكن على الآخر.

الرقم: 073 260 05

2. مطعم قرطبة، بعبدات

عبالكن لقمة جبلية دافية، وأكل موسمي غير شكل؟ مطعم قرطبة ببعبدات بيستقبلكن على أحلى جو خريفي بين شجر الزيتون والصنوبر.

عندو جو مليان رومانسية وإطلالة جبلية بتاخد العقل، وكمان قعدة كهف مكنكنة جنب البيانو والشموع.

الرقم: 705 614 71

3. Les Caves، جزين

مطعم بقعدة كهف دافية، وتراس بيطل على جمال طبيعة جزين. مطرح كتير مناسب لطقس الخريف!

بيقدم عرق بلدي ونبيد محلي من معاصر جزين، لقمة مشاوي ولحمة نية، ومازة على أنواعها.

الرقم: 292 810 07

4. بيت القمر، دير القمر

مين فينا ما بيحب البوفيهات الطيبة؟ وفي شي أدفى بالخريف من انو تجربوا الأكل البيتوتي؟

بيت القمر بجبلكن أطيب أطباق الشوف ونكهات دير القمر. وعندو جو تراثي وقعدة جنينة مليانة جمال بالخريف.

الرقم: 411 661 03

5. جلسة العرزال، حراجل – فاريا

جلسة عرزال مطعم بقدملكن الحب بترويقة بلدية والدفى بعشوات شهية جنب النار. مطعم مميز بالطبيعة لتسرحوا تحت النجوم وتاكلوا أكل طيب.

الرقم: 650 711 03

6. La Maison de Forêt، بكاسين

من أحلى نشاطات الخريف هي ال Hiking وإستكشاف الطبيعة الجبلية. بيت الغابة بقدملكن مطعم بين شجر صنوبر بكاسين العتيق، بيوت خشبية تقضوا فيها الليلة، وغدا خريفي بإمتياز.

الرقم: 222 800 07

شوفوا كمان، ٤ بيوت ضيافة خريفية بجو رومانسي