٥ محلات بيعملوا أطيب حلاوة الجبن بلبنان

اليوم جايبلكن موضوع حلو لكل محبي الحلو العربي. رح نحكي عن أشهى حلاوة جبن بلبنان! إذا أنتو من عشاق الحلويات وبتحبوا تجربوا نكهات مميزة، هالمقال رح يكون نقطة البداية الحلوة لنهاركن. كلنا منحب الجبنة والسكر، واليوم رح نتعرف على ٥ محلات بتقدملكن ألذ أطباق حلاوة الجبن بلبنان. انطلقوا معنا بهل الرحلة الشهية!

١. الحلاب، كل الفروع

من أشهر المحلات بلبنان بتقديم حلاوة الجبن الأصيلة ومشهورين كمان بإضافة نكهة مميزة للجبنة اللذيذة. عندن تشكيلة واسعة من الحلويات العربية يلي محضرة على الأصول وشغف، وأكيد بوظة خاصة بالمحل ولا أطيب من هيك.

الرقم: 1881

٢. حلويات الحيدري إخوان، الضاحية

إذا كنتوا من عشاق الحلو، حلويات الحيدري إخوان هوي المكان المثالي إلكن. محبي حلاوة الجبن، ضروري تجربوها عند الحيدري، بتجي محشية قشطة مع قطر ع الوج وجبنة روعة، رح تنغرموا!

الرقم: 004 793 70

٣. أمل بحصلي، قريطم

هالمحل بيقدم طبق حلاوة جبن بأسلوبو الخاص والمميز. بتجي ملفوفة منيح ومحشية قشطة وجبنة بتدوب بالتم. بتلاقوا ببيروت وبجل الديب، وبيشتهر كمان بتقديم ألذ النكهات والحلويات العربية بالإضافة للكنافة الشهيرة المحشية بالجبنة.

الرقم: 566 785 01

الحمرا: 600 345 01
جل الديب: 777 720 04

٤. حلويات غرمتي وقبلاوي، صيدا

حلويات غرمتي وقبلاوي هو المحل المناسب كرمال تدوقوا أطيب الحلويات! معروف بطبق حلاوة الجبن الطيب والمميز اللي بيعملوا، مسكوب عليه قطر شغل إيد. اللي بيفرق هالمحل عن غيرو نكهتن الفريدة والصيداوية، وحتى فيكن تجربوا عندن طبق حلاوة الجبن مع داعوقية.

الرقم: 111 209 70

٥. حلويات الملك، الطريق الجديدة

عندن خيارات كتيرة ومتنوعة، ونحنا منأكدلكن إنو رح تعجكن! كنافة، حلاوة جبن، بقلاوة، ويلي بدكن. وأكيد أهم شي إنن بقدموا ألذ طبق حلاوة الجبن بأسلوبن الخاص.

الرقم: 007 815 01

شوفوا كمان، ٥ محلات بيعملوا أطيب نودلز بلبنان.