٥ محلات بيعملوا أطيب نودلز بلبنان

عبالكن تدوقوا أطيب نودلز بالعلبة؟ نودلز على دجاج، لحمة، خضرا أو قريدس، رح تلاقوا كل النكهات لي عبالكن تجربوها. منقدملكن ٥ من أشهى المحلات لي بتقدم نودلز بلبنان، جربوا وخبرونا شو رأيكن!

١. سيرينا، الحمرا

مطعم بيشبه بيت بيروتي قديم، القعدة عندو مهضومة ومريحة متل قعدات البيوت العتيقة. بتلاقوا عندو المطبخ الهندي ناطركن بأطباقو القوية والمميزة، جربوا طبق الpad thai noodles لي بيتميز بألوانو والخلطة المميزة.

الرقم: 739 853 70

٢. نودل بار Noodle Bar، السوديكو

هل محل عبارة عن مخزن نودلز، بحضرلكن أطيب أنواع النودلز لي طالعة عن النار ومحطوطة بقلب علبة، وبتتميز بالطعمة الرائعة والنكهات المختلفة.

الرقم: 762 676 71

٣. سيتي ووك City Wok، الحمرا

بقدم هل مطعم كل أنواع النودلز بقلب العلبة مع مكونات شهية وإضافات لذيذة، متل الدجاج والخضرا، الصوصات الحرة والجبنة الدايبة وغيرها من الإضافات المنعشة.

الرقم: 005 740 01

٤. ستريت فو StreetFu، البترون

هل محل بتلاقوا بسوق البترون العتيق، عندو تشكيلة كبيرة من الأطباق الآسيوية. فيكن تختاروا أكتر من طبق للنودلز بنكهات مختلف وخلطات أعشاب بتشهي وتكفوا تمشايتكن بالبترون. بيتقدموا بالعلبة مع صوص روعة وكمية كريمة من الخضرا والدجاج.

الرقم: 939 690 71

٥. سوشي سينور Sushisenor، صيدا

المطبخ المكسيكي والياباني يجتمعوا بهل مطعم لي بتلاقوا عندن أشهى أطباق النودلز لي فيكن تجربوها. مننصحكن بطبق التشيكن نودلز بالدجاج المحشي خضرا ومغطس بصوص روعة، وطبق النودلز بخضرا، أو النودلز على قريدس أو النودلز لي بتجي محشية لحمة لمحبي الطعمات القوية. هل محل بيعمل كل أنواع النودلز بشغف وحب وفن والريحة بتشق القلب.

الرقم: 760 730 07

شوفوا كمان، ٤ محلات عندن منقوشة خفيفة وصحية بلبنان.