Costco وصل ع سبينيس بلبنان – كيف الأسعار وشو رح تلاقوا؟

كوستكو Costco، شركة البيع بالجملة الأميركية المعروفة، صارت موجودة بلبنان بطريقة جديدة، بعد ما أضافت Spinneys مجموعة من منتجاتها ع رفوفها.

إعلان سبينيس لبنان خلّى كتار يتساءلوا: يعني رح نشوف هوت دوغ وبيتزا كوستكو المشهورة بلبنان؟ حاليًا، لأ.

المجموعة الموجودة بسبينيس مركّزة أكتر ع مستلزمات البيت، مواد التنظيف والغسيل، مستلزمات الأطفال وغيرها من المنتجات اليومية.

شو في هلق؟ الصراحة، مش كتير!

المجموعة الجديدة من كوستكو ع موقع سبينيس بتضم منتجات للغسيل، أكياس زبالة، مناديل مبلّلة للولاد وغيرها. وكالعادة مع كوستكو، أغلب المنتجات بتجي بكميات كبيرة.

الأسعار ع موقع سبينيس بتبلّش من حوالي $24.99، وبتختلف حسب المنتج والحجم. وبعض الباكات كبيرة كتير، يعني إذا بتحبّوا تشتروا بكميات، ممكن تلاقوا شي بناسبكن.

بس إذا كنتوا ناطرين تشوفوا تشكيلة كوستكو الكاملة بلبنان، شكلو بدنا ننطر شوي.

خبرونا، شو المنتجات اللي حابين تشوفوها من Costco بلبنان؟

شوفوا كمان:

هيك أسعار آيفون 18 الجديد بلبنان حاليًا