خبز سلطان بيكشف عن منتجات ومشاريع جديدة بمعرض HORECA!

معرض HORECA هو الحدث السنوي الأكبر للضيافة بلبنان. المعرض بيجمع الشركات والعاملين بقطاعات الأكل، المشروبات والضيافة وغيرو، وبيشكّل فرصة للتعرّف على منتجات جديدة، تبادل الأفكار والاكتشاف. هالسنة، خبز سلطان Sultan Bakery عم يشارك بالمعرض للمرّة الأولى، ومعو مجموعة مشاريع ومنتجات جديدة رح يعرّفنا عليها عن قرب!

شو رح تلاقوا عند خبز سلطان بالمعرض؟

خبز سلطان صرلو من سنة 1975 عم يقدّم مخبوزات طازة ع الأصول، وصار جزء من بيوتنا وحياتنا اليومية. وبعد أكتر من 50 سنة، عم يخطو اليوم خطوة جديدة من خلال مشاركته الأولى بمعرض HORECA. رح يكشف عن هوية بصرية وتصاميم تغليف جديدة، ويعرّف الزوّار على منتجاته والمشاريع يلي عم يحضّرلا، ومن بينها تعاونات مع شيفات ومواهب محلية.

وحتى الستاند الخاص فيه إلو طابعه المميّز، إذ تمّ تصميمه وتنفيذه بالتعاون مع المصمّم المعروف روني باسيل. والحلو إنو التصميم مستوحى من الأجواء الطبيعية والدافية يلي بتميّز خبز سلطان.

اكتشفوا المشاريع الجديدة

دايماً بيحرص خبز سلطان يضلّ قريب من مطبخنا ومن المكوّنات يلي منستعملها كل يوم. ومن هون، عم يتعاون مع الشيف نادين حداد لتحضير مجموعة وصفات بتعتمد على مكوّنات أساسية موجودة بكل بيت، بس بتقدّمها بطرق جديدة ومبتكرة، مع الحفاظ على سهولة التحضير.

ومن بين المشاريع الجديدة إطلاق «أيلول»، وهي علامة تجارية مستوحاة من حبّ اللبنانيين للمونة البيتية وتقاليد تحضيرها وحفظ المنتجات الموسمية. وكمان رح يقدّم مخبز سلطان خميرة العجين المجفّفة (Dehydrated Sourdough Starter)، يلي بتسهّل على محبّي الخبز تحضير خبز الساوردو بالبيت.

مشاركة خبز سلطان الأولى بمعرض HORECA مش بس فرصة لاكتشاف منتجاته ومشاريعه الجديدة! كمان لنتعرّف على كيف براند لبنانية رافقتنا لأكتر من 50 سنة بعدها عم تطوّر شغلها وتقدّم أفكار جديدة.

تابعوا Sultan Bakery على إنستغرام لتعرفوا آخر أخباره ومشاريعه. ولمعلومات أكتر عن معرض HORECA، اكبسوا هون!

شوفوا كمان:

تصاميم زهير مراد وبأسعار أقرب للكل… مجموعة جديدة مع ALDO!