لقينا أحلى ستوديو بيلاتس مع كافيه بالضاحية!

إذا عم تدوّروا على مكان تهتمّوا فيه بجسمكن وتخصّصوا شوي وقت لحالكن، تعرّفوا على «سكون»، ستوديو بمنطقة بير حسن – الضاحية، بيجمع بين الرياضة والراحة والقهوة، بأجواء هادية ومريحة.

بيقدّم «سكون» حصص ريفورمر بيلاتس ويوغا، بالإضافة للتدريب الشخصي، لتختاروا النشاط اللي بناسبكن وتضيفوا شوية حركة على روتينكن. وإذا حابين تريحوا جسمكن بعد التمرين أو بعد نهار طويل، في كمان غرفة مخصّصة للمساج، لتستمتعوا بجلسة راحة بعيد عن ضغط اليوم.

ومن أول ما تفوتوا، رح تلاحظوا الديكور البسيط والمودرن، مع ألوان ترابية دافية متل البيج والبني والزهري المطفي. التفاصيل بتعطي المكان جوّ مريح، وديكور الزرع وشجرة الزيتون برا بيضيفوا لمسات طبيعية حلوة.

والحلو إنو «سكون» مش بس ستوديو رياضة، فيه كافيه كمان! يعني فيكن تمرقوا قبل حصّتكن أو بعدها، تطلبوا قهوتكن وتستمتعوا بقعدة حلوة. وفي قعدة خارجية، بتناسب اللي بحبّوا يشربوا قهوتن برا ويقضوا شوي وقت مع رفقاتن.

سواء كنتوا من محبّين البيلاتس واليوغا، أو حابين تجرّبوا نشاط جديد، «سكون» بيقدّمكن مساحة تجمع بين الحركة والراحة، ومعها فنجان قهوة بيكمّل التجربة.

📞 الرقم: 847 869 03

📍 بير الحسن، منطقة الغندولين، بيروت.

📱 تابعوهن ع انستغرام هون

شوفوا كمان:

كافيه جديد بالضاحية، بس ديكوره مش متل أي محل تاني!