٦ مطارح بتعمل أطيب صفيحة بعلبكية بلبنان

مين عبالو صفيحة بعلبكية محشية لحمة؟ الصفيحة إلها اصولها، ما بتكمل من دون عصرة حامض، دبس رمان، ولبن عيران! لكل محبي الصفيحة، شوفوا معنا 6 محلات لتجربوا صفيحة بعلبكية بتشهي. 

1. Lakkis Farm، فروع كافة

ما فينا نحكي عن الصفيحة البعلبكية من دون ما نحكي عن ملك الصفيحة لقيس. بيعمل الصفيحة مميزة وعلى أصولها، كل فطيرة مليانة ومحشية لحمة منيح، ومقدمة مع لبن عيران بارد، بتطلع أكلة غير شكل!

الرقم: 029 666 71

2. صفوان الأصلي، الأوزاعي وصفير

فرن صفوان الأصلي بيعمل الصفيحة على أصولها. وفيكن تجربوها عندو ترويقة وغدا وعشا، ريحتها بتشهي ومقدمة مع حامض وكبيس وتبولة. 

الرقم: 143 450 01 – 637 556 01

3. La Butcheria، البترون

مشواركن بالبترون بيكمل بصفيحة غير شكل من هالفرن بالبترون! بتطلع سخنة من الفرن ومع عصرة حامض ولبن عيران، يا عين!

الرقم: 589 582 03

4. الفرن اللبناني، تباريز الأشرفية

بحال عبالكن منقوشة لحمة طازة أو حابين تجربوا الصفيحة الأصلية، الفرن اللبناني بيقدملكن أطيب المخبوزات والمعجنات بالأشرفية. 

الرقم: 807 337 01

5. فرن الرحباني، البترون

فرن الرحباني فرن غير شكل بالبترون، بيعمل معجنات بتشهي ومخبوزات ريحتها روعة. مش بس بيعمل صفيحة طيبة، بس كمان إختصاصو البريوش على شوكولا! 

الرقم: 178 255 81

6. فرن علاء الدين، حارة حريك

عبالكن معجنات طازة وغير شكل على الصبح؟ فرن علاء الدين بحارة حريك ناطركن على أطيب معجنات محشية، وصفيحة بعلبكية بتشق القلب. 

الرقم: 841 754 03

شوفوا كمان، ٥ محلات بيعملوا أطيب حلاوة الجبن بلبنان