اختراع غريب عجيب: بوظة ع لبنة وزعتر!

إي متل ما سمعتوا صار في بوظة ع لبنة وزعتر بلبنان! اختراع غريب عجيب بتلاقوا بس عند محل واحد موجود بجونية والأشرفية: بوظة القلعة.

القلعة بيعمل بوظة لبنانية على مختلف الطعمات والنكهات متل الفواكة والفستق والقشطة.

سر الخلطة إنها طبيعية، ما بيستعملوا أي نكهة ولا ألوان يعني بقدموا شغلن من قلبن.

وشو أكتر شي غريب بيعملوا؟ بوظة ع لبنة وزعتر.

يعني قدي قاطع علينا اختراعات متل هالاختراع ما شفنا وأكيد ما رح نشوف.

الطعمة مش مزعجة أبداً، بالعكس بتجمع بين المالح والحلو بشكل جذاب ولذيذ وطيب ومنعش بهيك طقس وعنجد لفحة الزعتر بتلبلقها كتير لهل بوظة.

محضر من طبقات اللبنة، الزعتر وطعمة النعنع، هالطبق السوبر منعش رح يرضي غرور عشاق السكر والمالح بقوة.

رح تنغرموا بشكلها وريحتها وطعمتها وألوانها من أول كدشة… بوظة بتحلي القلب وفيها طعمة جديدة وخفيفة بنفس الوقت، ومعمولة من مواد طبيعية مية بالمية.

الرقم: 100 034 71
الفروعة: صربا، زوق مصبح، كفرسرون، الأشرفية، ريفون، العقيبة.

شوفوا كمان، لأن بين تشرين وتشرين صيف تاني: ٥ محلات بوظة منعشة بلبنان.