٨ مطاعم لتقضوا فيها وقت حلو مع الأصحاب!

متل ما بتقول الغنية الشهيرة “فاضي شوية نشرب قهوة فى حتة بعيدة اعزمني على نكتة جديدة وخلي حساب الضحك عليا…” مع مين من الأصحاب عبالكن تضحكوا وتنسوا الدني وتاكلوا أطيب لقمة؟

١. قهوة لولو، الزلقا

مطعم مهضوم فتح بالزلقا وعندو قعدة بتجنن خرج جلسة أصحاب وحبايب رح تخليكن تنسوا همومكن شوي زغيرة، غير الأكل الطيب رح تنبسطوا بلعبة الطاولة والأرغيلة والموسيقى الحلوة والجو المهضوم.

الرقم: 900 100 76

٢. قهوة عزمي، وسط بيروت

من أهضم القهاوي يلي بتحلا القعدة فيها مع الأصحاب من بكير لعشية عطول الجو حلو والأكل طيب وفي من كل شي لبناني وعالمي يعني ما بتعتلوا هم شو بدكن تاكلوا وفيكن تجوا بس تشربوا فنجان قهوة وتتحلوا.

الرقم: 773 773 81

٣. قهوة التايغا، البترون

من القهاوي المهضومة بسوق البترون، هون فيكن تدوقوا أطيب الحلويات مع أصحابكن إنتو وعم تتبادلوا أحاديث وتضحكوا. الأكل بشهي كمان والجو مريح كفاية ليبعدكن عن التوتر.

الرقم: 408 499 71

٣. خان حبيل، جبيل

من المطاعم التراثية بجبيل، قاعد بالسوق العتيق وبيجمع بين القعدة المريحة والأكل الطيب مع لمسة غجرية. إذا كانوا أصحابكن بيعشقوا فن المازة اللبنانية، هل محل هوي المناسب لتروحوا وتقضوا وقت حلو سوا وتاكلوا لقمة طيبة.

الرقم: 599 544 09

٤. شانكي مانكي Chunky Monkey، بعبدات

ليلي بحبوا قعدة جبلية بس مش بعيدة كتير عن بيروت، شرفوا على قعدة مهضومة ملونة ناطرتكن عند هل محل مع أطيب الأكلات: البرغر والبيتزا والقصص المجنونة كلا موجودة هون. أما القعدة الشتوية فدافية ومكنكنة خرج سهرة مع الأصحاب وسولفة كل الليل.

الرقم: 228 251 70

٥. سنفريان، جونية

على سطح بناية عالية، قاعد هل مطعم يلي بطل على كل خليج جونية وعندو بيسين على السطح بطل على أجمل منظر بلبنان. بالداخل الجو دافي وحميم، وفيكن تطلبوا الغدا برا، على التيراس. اختاروا فنجان قهوة مع عدة أصناف من الحلويات الدسمة اللذيذة بعد الأكل.

الرقم: 055 755 81

٦. لبنان باي رامي عياش Loubnane By Ramy، البترون

نحنا منحب الفنان رامي عياش كتير بس لكل يلي بعد ما جرب المطعم يلي لإلو مننصحكن تعملوا مشوار مع أصحابكن وتستأنسوا بقعدة البترون مع أكل طيب وأطباق المازة الشهية وطبعاً ما بدنا ننسى المشاوي على الفحم وصوت رامي لي مرافقكن كل القعدة.

الرقم: 007 220 81

٧. عالشط، طبرجا

هل مطعم قاعد دغري على البحر وجايبلكن السمكات طازة من البحر مع شوية مأكولات بحرية وشوية عرق. في أحلى من هيك سردة مع الأصحاب؟

الرقم: 111 662 70

٨. مطعم فينيزيا Venezia Restaurant، سن الفيل

إذا عبالكن تحسوا حالكن سافرتوا على إيطاليا ما إلكن غير تربكوا الشخطورة وتزوروا هل مطعم مع أصحابكن يلي ناطركن بأطباقو الإيطالية القوية والمميزة، هون فيكن تتأكدوا إنو اللقاء رح يكون لطيف ومريح.

الرقم: 540 516 01

شوفوا كمان، لقينا ع مطاعم باللقلوق مع قعدة بتطير العقل.