٥ محلات سندويشات بسترما لازم تجربوها بلبنان
عبالكن تجربوا سندويش بسترما على أصولها؟ لكل محبي الأكل الشعبي، خلونا ندلكن على أطيب مطاعم لتجربة سندويشات البسترما بلبنان.
هل مطعم المميز بيعمل أطيب سندويشات الكفتا والشاورما والروستو وفخامة البسترما والطريقة اللي بيعمل فيها البسترما بيتوتية بتستحلوها على الآخر. السندويشة مليانة ترانشات البسترما القوية الشهية، مقدمة مع بندورة وكبيس لتكون كل لقمة أطيب من التانية.
جونية: 555 562 70
البترون: 555 494 76
البوشرية: 555 889 01
٢. بسترما مانو، برج حمود
مانو معروف بالسندويشات لي بيعملها وبالطعمات المختلفة وخصوصي الشاورما والروستو لي بتاخد العقل بس البسترما عندن قصتها قصة: خبزة فرنجي بقلبها قطع بسترما غير شكل مع كبيس وبندورة، شي كتير طيب!
الرقم: 083 153 70
٣. بسترما فاكو
سندويشات على أنواعها من المقانق لسندويش السجق والفاهيتا لسندويش البسترما مع كبيس، مايونيز وبندورة… رح تنغرموا بقديش بتكون طازة وبسيطة، بخبزة طيبة ومكونات أطيب.
الكسليك: 650 955 03
جل الديب: 832 444 71
٤. بسطرما بيدو، برج حمود
عندو شاورما سوبر طيبة و قوية، معمولة على الأصول و مقدمة بشكل بشهي ومش بس هيك معروف كتير بسندويش البسترما لي بتجي بقلب خبزة فرنجي طرية، قطع بندورة، كبيس وصوص مايونيز قوية كتير.
٥. بسترما بانوسيان، بلونة
وصل الأكل الأرمني بشحمو ولحمو على كسروان عند هل محل لي ييعملكن ألذ السندويشات من المقانق للبسترما الملفوفين بخبزة فرنجة طرية مع صوص ولا أطيب من هيك وقطع بندورة وكبيس لتكون كل كدشة أطيب من التانية.
الرقم: 372 189 79
شوفوا كمان، ٣ محلات طاووق على الفحم بلبنان.
