مشوار لطيف على سمار جبيل: ١٠ شغلات فيكن تعملوها

ضيعة سمار جبيل جوهرة مخفية بقضاء البترون، قاعدة على تل بيطل على البحر من بعيد. بتتميز بتاريخ غني بالحضارات المتنوعة اللي تركت آثار من الفينيقية والآشورية واليونانية والرومانية والصليبية. اليوم قررنا ناخدكن على هالضيعة البترونية، نتعرف شو مخبى فيها وشو التجارب اللي ممكن نعيشها فيها. مشوا معنا على سمار جبيل وخلونا نتعرف على 10 شغلات فيكن تعملوها بهالضيعة.

1. جهزوا حالكن لنهار حلو عند فرن الساحة

بتدوقوا بيتزا طيبة، مناقيش طازة من الفرن، معجنات مشكّلة، والأحلى من هيك بتقعدوا وقدامكن كنيسة مار نهرا التاريخية.

الرقم: 603 720 06

2. زوروا كنيسة مار نهرا الأثرية

كنيسة مار نهرا تعتبر من الأقدم بالشرق. هالكنيسة التاريخية قاعدة بساحة الضيعة، وفيها جو روحاني مميز.

3. كفوا على كنيسة سيدة العطايا

هالكنيسة الأثرية قريبة على كنيسة مار نهرا. اللي بقي من هالكنيسة الزغيرة عبارة عن آثار تاريخية بلا سقف، فوقها شجرة بلوط معمّرة، وأهل الضيعة بيعتبروها جوهرة روحانية.

4. ما تنسوا تبرموا حارات الضيعة وتتفرجوا على البيوت القديمة

هالضيعة فيها كمية جمال وتراث ما بيتصدق!

5. إكتشفوا قلعة سمار جبيل التاريخية

هالقلعة التاريخية بناها الفينيقيبن من 555 ق.م. وفيها معالم أثرية رومانية وبيزنطية و صليبية.

بتتميز بموقع استراتيجي، قاعدة على التل وبتشرف على جبيل وطرابلس من جهة، و أرز بشري من جهة تانية.

6. دوقوا نبيد طيب من عند Vine بالضيعة

مطرح مميز لتدوقوا نبيد لبناني وحلويات طيبة، تقعدوا على قعدة حجر تحت فيّ الشجرة، تتأملوا بجمال الضيعة من كنيسة مار نهرا لمباني الضيعة اللي عمرها 200 سنة.

الرقم: 882 455 71

7. زوروا Atibaia Winery وكروم العنب

تعرفوا على تاريخ هالصناعة الوطنية بسمار جبيل، إنبسطوا بالقعدات التراثية والأجواء الريفية بالطبيعة وبين الكروم، وأكيد دوقوا من النبيد الأحمر المحلي للمعصرة.

الرقم: 555 584 01

8. وكفوا الغدا كمان عند مطعم Chianina بقلب Atibaia Winery

انتو إختاروا إذا عبالكن غدا بقلب الطبيعة وبالهوا الطلق!

أو عشا مكنكن ومميز جوا بقلب قعدة حجر. عندن منيو مميزة من أطباق اللحم المشوي مع أشهى التتبيلات والنبيد الأحمر.

9. قضوا الليلة عند بيت سمار الساحر

بتلاقوا عند بيت سمار بيوت ضيافة تراثية، جنينات وقعدات بالطبيعة من فوق التل، مسبح ومطرح حلو للإستجمام، وغرف نوم مريحة ولطيفة.

الرقم: 839 832 03

10. أو قضوا الليلة بين شجر الزيتون عند Domaine des Oliviers

مكان ساحر الجمال من بساتين الزيتون، البيوت التراثية، وكل وسايل الراحة والترفيه، وكمان الأكل الطيب!

الرقم: 521 111 71

شوفوا كمان، مشوار حلو على بعبدات: ١٠ شغلات فيكن تعملوها