أطيب ٥ محلات تشيكن برغر بلبنان

صرتوا بتعرفوا قدي منحب بطننا ومنضل نفتش على أطيب الأكلات والأطباق لنعرفكن عليها، لهيك اليوم رح نعرفكن على ٥ مطاعم اكتشفناها بيعملوا أطيب تيشكن برغر.

١. بسترما بيدو، برج حمود

هيدا المطعم عندو أطيب شاورما وبسترما ومش بس هيك بيعمل أطيب تشيكن برغر معقول تجربوها معمولة من مكونات بسيطة وشهية، نضيف وطيب وأسعارو بتجنن.

الرقم: 439 261 01

٢. برغرز لوفيرز Burger Lovers، المنصورية

من أطيب مطاعم البرغر بلبنان، عندو تشكيلة برغر ليرضي الكل، والبطاطا المقلية عندو مميزة. أطيب شي عندو الميغا تشيكن برغر يلي بيجي محشي قطع دجاج كريسبي وبطاطا مقلية مع سلطة وصوص باربكيو غير شكل.

الرقم: 838 848 71

٣. ستريت بايتس Street Bites، الحازمية

عشاق البرغر رح ينغرموا بالتشكيلة يلي بقدموها، ومنها البرغر اللحمة الكلاسيكية، وفي يلي غرقانة بالجبنة، وفي التشيكن برغر يلي بتجي مغطسة بالصوص ولا أطيب من هيك.

الرقم: 527 566 70

٤. أديكت برغر Addict Burger

للناس يلي بتحب التفنن بالبرغر، هيدا المطعم ممتاز إلكن. بيعمل برغر على إسكالوب، والتاكوس تشكين برغر وقصص هيك مهضومة. ما فينا نوصفلكن قدي غير شكل! والأطيب من هيك هوي التشيكن برغر. والأهم إنو حصص البطاطا المقلية كتير كبار وبشبعوا، بتلاقوا كمان قصص تانية متل الجوانح والسندويسات الشهية.

الضاحية: 688 615 03
النبطية: 363 076 81

٥. سناك حمودي، زقاق البلاط

طعمة تشيكن برغر عندن شي ما بينشرح. غنية بصلصة المايونيز الشهية والدجاج الكرسبي والسلطة ولا أطيب من هيك! مشهور هل السناك ببرغر الإسكالوب وسندويش الكفتا لي بضيف علين لمستو الخاصة. لقمة طيبة، بتشبع، ومنيحة للجيبة.

الرقم: 200 370 01

شوفوا كمان، بتحبوا البيض بقاورما؟ شوفوا هل- ٥ محلات.