بتحبوا البيض بقاورما؟ شوفوا هل- ٥ محلات

بتتميز المطاعم اللبنانية بأكلات شعبية ولذيذة أما البيض بقاورما موضوع تاني. فهوي عبارة عن أكلة سريعة وطيبة ومليئة وريحتها بتشق النفس بتتقدم مع صحن خضرا وخبز طالع من الفرن والأكلات الشعبية المتنوعة.

شوفوا معنا ٥ محلات بيعملوا أطيب بيض بقاورما بلبنان.

١. السوسي، مار الياس

صرلو أكتر من 100 سنة عم بيحضر أطيب أصناف الترويقة البلدية والقروية، ومن القصص المميزة لي فيكن تجربوها عندو صحن البيض بقاورما لي محضر طازة من تحت ديات المعلم. ريحة وطعمة بتشق القلب!

الرقم: 145 312 01

٢. فلافل أبو أندريه

مش بس بحضر فلافل وكمان الترويقة عندو بتجنن وبتفتح النفس ومحضرة على الإيد. بيض عيون، بيض بقاورما، فتة، حمص وبليلة وصحن فلافل شغل إيد ولا أطيب من هيك. هالأكل الطيب كلو وأكتر من هيك بتلاقوا ناطركن عند هالمحل.

جونية: 414 819 71
أنطلياس: 898 525 04
جبيل: 342 546 09

٣. أبو عبدالله، الدورة

عند أبو عبدالله في أكلة ما فيكن ما تدوقوها هيي البيض بقاورما، هيدا الطبق لي توارث من جيل لجيل بيتقدم مع خبز سخن وصحن خضرا وفنجان شاي أكرك عجم. فيكن كمان تمدوا سفرة كاملة من كافة الأطباق لي بحبها قلبكن ع الصبح من الفتة للبنة والحمص، غمسوا لقمتكن بالصحن وكلوا لتشبعوا.

الرقم: 286 256 01

٤. السوسي ملك الفول أبو فادي، صيدا

يعتبر البيض بقاورما من أطيب ترويقة سخنة، وبيتقدم داخل صحن، من بعد ما يتحضر على نار خفيفة بتنوضع قطع اللحمة مع البيض وبتتقلب مع الدهن، وهيك بيطلع هل طبق غير شكل. جربوا كمان جنبو كل أصناف الترويقة الحلبية وعندو كمان فيكن تدوقوا صحن فتة لبن من أطيب ما يكون.

الرقم: 539 835 81

٥. صواني فلفول، بدارو

البيض بقاورما يعتبر من الأطباق التراثية التقليدية والشعبية، الطلب على هالصحن كتير كبير عند هالمحل لأنو أكلة شهية، وسريعة ويعتبر أفضل وجبة ترويقة أو غدا وبكفي للنهار كلو، وبيتقدم بالصحن مع خضرا وخبز سخن وغيرن من الأطباق لي بتشهي متل فتة الحمص، الفول، الفتة، الحلوم المشوي، والفول بالسجق وقصص كتير طيبة مع خبرة سخنة.

الرقم: 212 382 01

شوفوا كمان، ٤ محلات بونلس تشيكن لازم تجربوها بلبنان.