٦ وجبات خص نص تجربوها مع أصحابكن

الأكلة بتطلع أطيب بمية مرة لما تكون مع الأصحاب! يلا جمعوا الشلة وخلينا نمشرعها سوا بلبنان. مشوا ندلكن على ٦ وجبات خص نص تجربوها مع أصحابكن.

1. أكبر بيتزا بلبنان من عند أبو جان بشكا

بتعرفوا انو في بيتزا حجمها 80×80 سم عند محل أبو جان المحبوب؟ هالبيتزا تعتبر أكبر بيتزا بلبنان وحسب ما بقول أبو جان انو بدا 12 شخص ليخلصوها، والحلو انو بيعملها بكذا طعمة لتناسب كل الأذواق. شو، مشرعتوها مع رفقاتكن؟

الرقم: 344 541 26 – 344 541 03

2. ميني برغر وميني سندويشات من عند ميني غيت بمختلف فروعه

ميني غيت عامل برغر وسندويشات منوّعة بحجم ميني وأسعار حلوة، بتطلبوا كذا وحدة وبتجربوا مع رفقاتكن مختلف الطعمات الشهية متل الستيك والقريدس والدجاج والكرسبي والبيستو. بتلاقوا فروع ميني غيت بسليم سلام، سنترو مول، مكلس، جل الديب.

الرقم: 833 314 01 – 707 470 70

3. بوكس من الباستا الطيبة من عند Paulie’s بالجميزة

بتميلوا عند Paulie’s لأكل الشارع الإيطالي، وبتجربوا أطباق باستا غير شكل بقلب بوكس مهضوم، طعمات شهية من فيتوتشيني، بيستو، وأطباق فرايز مع بارميزان وحتى حلويات متل التراميسو.

وجبة شهية مع أصحابكن خصوصي إذا ضاهرين بالسيارة وبدكن باستا ع السريع.

الرقم: 685 877 70

4. طبق فواكة السعادة من عند Acai بالكاسليك

بتلاقوا بهالمطرح سناك كتير طيب وغني! عندن أطباق متنوعة من فواكة توت الأساي البرازيلي، بيتقدم كل طبق مع فواكة مشكّلة و spreads بخلطة حلوة وطيبة. مطرح مميز تميلوا عليه آخر الضهرة مع أصحابكن لسناك طيب ولذيذ.

5. برج الشاورما من عند تايغر داينر بالحازمية

تشاركوا حبكن للشاورما مع رفقاتكن عند تايغر داينر! عندن طبق برج الشاورما منظرو بيشهي ومغرّق بالصوص، رح بتلاقوا انو كل لقمة أطيب من التانية!

الرقم: 687 287 01

6. برغر محرزة من Shaggy’s بمار ميخايل مع طبق المقبلات المميز

هالمحل عندو واحد من أطيب وأدسم البرغر الأميركية. المميز عندو انو بيقدم طبق المقبلات بطريقة فنية وشهية، منظرها لحالو بيفتح النفس!

الرقم: 032 204 70

شوفوا كمان، أطيب ٥ محلات تشيكن برغر بلبنان