شو مشاريعنا
قضوا ليالي كانون بحضن اللقلوق بهل-٦ مطارح
تلج وشتي، كستنا وكاس نبيد، وقعدة جنب الصوبا…مين عبالو؟ ليالي كانون ما بتحلى إلا باللقلوق، واليوم مشوارنا على هالمنطقة الساحرة. خلونا ندلكن على وين فيكن تناموا نومة دافية، مشوا معنا على أجمل أوتيلات و بيوت الضيافة اللقلوق!
1. Dreamhouse Laqlouq
دريم هاوس بيقدملكن قعدة الأحلام بين جبال اللقلوق. بتستمتعوا بوقت مميز هالشتوية بقلب بيوت خشب مكنكنة ودافية.
المناظر خلابة خصوصي لما تتلج الدني، تخايلوا تفيقوا الصبحيات على هيك لوحة طبيعية؟
الرقم: 688 206 70
2. Nirvana & Shangri-La أوتيل
أوتيل ساحر بأحضان الطبيعة باللقلوق، بتلاقوا بهالمكان تجربة منتجع مميزة مع الشريك. ناطركن بيوت جبلية وقعدة دافية بتاخد العقل!
وحتى فيكن تجربوا جاكوزي بنص التلج لما تتلج الدني بالمنطقة.
الرقم: 112 441 03
3. سكاي ناين
سكاي ناين مطرح مميز للعيلة أو الأصحاب. عندن تجربة تخييم، مطعم وحفلات شوي، سهرات نار، موسيقى حلوة.
وأحلى شي بيتون الخشب المهضومة والمكنكنة بالشتي! مع كباية كاكاو سخنة وقعدة جنب الصوبا وقعدة تحت الحرام، أديه حلو؟
الرقم: 999 126 76
4. أزوردي
أجواء ديسمبر والكريسماس عند أزوردي كتير مميزة! مطرح بتلاقوا فيه البيوت الخشب المكنكنة والقعدة جنب الصوبا.
كمان عندن مطعم بيقدم أكل لبناني بيشهي، تخايلوا هيك غدا مع منظر التلج؟
الرقم: 868 888 76
5. Los Reyes
هالمطرح عبارة عن أوتيل مرتب، بيستقبلكن على قعدة من الخشب بتسفركن على جبال الألب.
بين المناظر الخلابة والقمم المكللة بالتلج، رح بتلاقوا تجارب مميز بهالأوتيل. أكل طيب، قعدة دافية، جلسة بالطبيعة، ملعب للولاد، ونشاطات ممتعة متل المشي بالطبيعة، الـ Hiking، وركوب الـ ATV، وغيرها.
الرقم: 104 310 79 – 004 801 81
6. Le Massif de Laqlouq
عبالكن نومة بقلب بيوت خشب دافية هيي وعم تتلج الدني؟
هالمطرح بيقدملكن جو رومانسي مميزة مع ليالي مليانة منظر التلوج، كاس نبيد، وجبنة الراكليت!
الرقم: 763 476 70
حبيتوا مشوارنا على أروع أوتيلات و بيوت الضيافة اللقلوق بين التلوج والطبيعة الجبلية؟ خبرونا بالتعليقات مع مين بتروحوا!
شوفوا كمان، أجمل بيوت الضيافة بأحضان فاريا