شو مشاريعنا
أجمل بيوت الضيافة بالعاقورة هالشتوية
اليوم مشوارنا على العاقورة، وحدة من جنّات جبيل الطبيعية ومقصد سياحي مميز بالشتوية. بالأصل كلمة العاقورة هي كلمة سريانية بتعني “العين الباردة”، وهيدي تسمية بترجع لأنو عيون الميّ بالعاقورة تميزت عن غيرها بلبنان لشدة برودتها و عذوبتها النادرة. العاقورة غنية بالكهوف و المغاور محفورة بالصخر، الكنايس الأثرية، الآثار منها رومانية و فينيقية، والشجر المعمّر من اللبان و اللزاب و الصنوبر والعرعر والسرو، وكلها بتتميز بالخشب اللي جودته عالية. المنظر من أعالي العاقورة فريد من نوعه بشتوية، قمم تلجية وبحيرات جليدية ومدى بعيد من البياض الناصع. لكل اللي عبالو يقضي نهار أو تنين، لقينالكن أحلى بيوت الضيافة بالعاقورة للشتوية.
1. Paradise Guesthouse
هالمكان عبارة عن فيلا من حجر مع كوخ من الخشب، جاهز يستقبلكن على قعدات مكنكنة ودافية بأحضان العاقورة. مساحة هالمطرح واسعة بتسمحلكن تعملوا مناسبات الخاصة فيه، والحلو انو بتطل على جبال المنطقة.
ولما تتلج الدني، القعدة والمنظر والجو عنجد من وحي الخيال أد ما حلو! بتحسوا حالكن عم تقضوا عطلة بجبال الألب الأوروبية. مكان ساحر لتعيشوا فيه لحظات ما بتنتسى مع العيلة أو الشريك.
الرقم: 467 536 76
2. جرود العاقورة
إستمتعوا بأجمل مناظر العاقورة من قلب هالبيوت الجبلية المكنكنة. بيوت من الحجر، ورد ملون، قعدة دفى بالشتوية، ومسبح بيطل على الجبال بالصيفية.
عندن قعدة جنينة حلوة وبيعملوا جولات سياحية ونشاطات حماسية بالمنطقة.مكان بتلاقوا فيه الراحة النفسية والرواق بأحضان الطبيعة الجبلية، عندن قعدة عنجد بين الغيوم أبداً ما بتتفوت بكل مواسم السنة.
الرقم: 665 375 70
3. La Datcha
بيت القرميد الأحمر بالجبل ناطركن بالعاقورة! جو ريفي وقعدة تراثية تحت القناطر وليالي دافية جنب الشاميني. مطرح ضروري تزوروا مع الشريك لمشوار رومانسي، والديكور كلاسيكي ومرتب.
البيت مغمور ببياض التلج بالشتوية وبيطل على أجمل المناظر الجبلية. عندو قعدة بلكون بترد الروح بتسرحوا فيها بنهار متلج وهادي!
الرقم: 438 294 03
شو، حبيتوا المشوار على أجمل بيوت الضيافة بالعاقورة هالشتوية؟ ومع مين بتحبوا تروحوا هالمشاوير؟ خبرونا بالتعليقات!
شوفوا كمان، قضوا ليالي كانون بحضن اللقلوق بهل-٦ مطارح