شو مشاريعنا
أجمل بيوت الضيافة بغابات ميروبا هالشتوية
بطريقكن على فاريا، بتلاقوا ضيعة كسروانية على ارتفاع 1400 متر فوق سطح البحر، عندها مناظر جبلية بتاخد العقل: هيدي الضيعة اللبنانية هي ميروبا. بتتميز بالغابات المعمّرة المخباية بين الصخر، عيون الميّ والينابيع الغزيرة، عبارة عن مصيف حلو بالجبل، ومنطقة مغمورة بالتلوج بالشتي. مشوار كانون رح بيكون على أعالي ميروبا، نكتشف المنطقة ونقضي كم نهار بأحضانها. وبمشوارنا رح نعرفكن على أجمل بيوت الضيافة بأحضان غابات ميروبا.
1. وود هيلز
رح بتلاقوا السعادة والراحة من قلب بيوت خشب مكنكنة ودافية عند وود هيلز. مكان بيقدم تجربة منتجع بأحضان الطبيعة الجبلية بميروبا. عندو أجمل مناظر للجبل وترويقة الصبح على رواق.
من أجمل بيوت الضيافة بميروبا اللي لازم تزوروها مع الشريك أول ما تتلج الدني!
الرقم: 786 177 76
2. غرين فوريست
غرين فوريست بيقدملكن القعدة المريحة وأيام ممتعة للعيلة والولاد. عندن بيوت خشب كبيرة بتناسب الجمعات، حفلات شوي، قعدة جنب الشاميني، ومساحات ليسرحوا فيها الولاد بالطبيعة.
الرقم: 542 846 71 – 751 322 29
3. Villers
حلو بين كل فترة والتانية ناخد عطلة بأحضان الطبيعة، وهالمكان بيقدملكن هالقعدة وأكتر بميروبا.
بتسهروا جنب النار، بتكتشفوا الطبيعة، وبتلعبوا بالتلوج، وبتقضوا ليالي من العمر!
الرقم: 555 500 70 – 000 311 76
4. كايم
بيت ضيافة من الخيال ناطركن بالغابة بميروبا، واحد من أجمل المطارح بلبنان للعشاق!
بتلاقوا الجو المرتب وقعدة شاميني بفيلا بين الصخور، القعدات المفتوحة على الجبال، البانيو بغرفة النوم، والجو الرومانسي المكنكن للشتوية. ولما تتلج الدني، الكنكنة والمنظر على أروع!
الرقم: 494 649 81
Via @guide.lb
خبرونا، حبيتوا المشوار على أجمل بيوت الضيافة بأحضان طبيعة ميروبا؟
شوفوا كمان، قضوا ليالي كانون بحضن اللقلوق بهل-٦ مطارح