لقينالكن ١٧ بيت ضيافة فاخر لتقضوا كانون دافي بلبنان

كتار منّا بيحبوا تجربة بيوت الضيافة بالشتوية، سواءاً لنقضي وقت حلو مع أصحابنا، نروح شهر عسل أو مشوار رومانسي، نعيش وقت مميز مع العيلة والولاد. لكل حدا عبالو عطلة ممتعة ومريحة هالشتوية، خلونا ندلكن على أحلى 17 بيت ضيافة فاخر ودافي للموسم.

1. L’Auberge Des Bois، بكفيا

بيت جبلي روعة بقلب الطبيعة، لوبيرج ديس بوا مهرب هادي للناس اللى عم تدور على كم يوم من الرواق والراحة. مين ما بيحب يقضي ليلة أو تنين جنب الدفاية بهالجوهرة المرتبة؟

للحجز، شوفوا هون.

2. Perch، فاريا

اللى بحبوا يتفرجوا على الغروب رح يعشقوا هالمكان بفاريا، مع بيوت ضيافة فاخرة ودافية، بركة ميّ، ومنظر خلاب للجبال. بتكون التجربة مغرية أكتر كمان لما بتتغطى المنطقة ببياض التلج.

الرقم: 266 552 03

3. بانوراما لودجز، شكا

هالمكان اللطيف بشكا مليان جمال! تصميمو معمول لتحسوا حالكن أقرب للطبيعة، بيوت الضيافة اللي عندن رح تدلعكن بجوها الدافي. العشاق بيقدروا يقضوا وقت رومانسي، يتمتعوا بأحلى شامبانيا، وحتى ينبسطوا بجلسة مساج مع بعض.

الرقم: 849 819 71

4. كايم، ميروبا

هالمطرح مودرن و فاخر مناسب للعشاق، هيدا الملاذ الروعة بخليكن تستمتعوا بطبيعة ميروبا مع فيو مفتوحة. كايم هو عبارة عن بيت ضيافة هادي، مخبى بين الغابات والصخور، وبيتميز بوسايل الراحة والرفاهية.

الرقم: 494 649 81

5. إنديرا، كفور

عيشوا تجربة من عالم الحكايات بقصر فاخر! أنديرا بوفرلكن تجربة ساحرة وملوكية. بديكور فخم، صالات واسعة، وسويت فريد من نوعو، هيدا المكان المميز روعة لشهر العسل!

الرقم: 046 290 03

6. سكينة، فتقا

سكينة مهرب مميز للراحة النفسية بالطبيعة، وبيقدملكن تجربة مميزة حسب الموسم. بالشتي، استغلوا الأكواخ الدافية عندن وقضوا أيامكن مع أجود أنواع النبيد وأطباق شتوية بتدفي القلب.

الرقم: 225 522 70

7. بيوتي، بيت الدين

مخبى بين جبال بيت الدين الخضرا، بتلاقوا بيوت ضيافة مميزة معروفة بكونها مطرح فاخر لتقضوا عطلة أو شعر عسل. فيها بيوت إستثنائية، و كل منها عندو تجربتو ومزايا خاصة، بس كلها بتتمتع بلمسة من طبيعة بيت الدين.

الرقم: 200 726 03

8. وود هيلز، ميروبا

منتجع ساحر ومخفي بقلب ميروبا، عبارة عن جنة بتاخدكن على ريف سويسرا من قلب 24 بيت خشب وبنغلو من الفخامة والرواق. اللي بيخلي هالمكان مميز هي النشاطات الحلوة والمتاحة بكل موسم، ويعتبر وجهة إستثنائية لعشاق الطبيعة.

الرقم: 786 177 76

9. Chill Hill Experience، وطا الجوز

تجربة تشيل هيل بتوفرلكن المكان المثالي لتقضوا العطلة مع الحبيب، أو الأصحاب، أو العيلة. بعد ما تقضوا وقت بقلب الكابين الخشب، بتقدروا تستمتعوا بأكلة طيبة بالمطعم، و بعدها تروحوا تسهروا بالبار.

الرقم: 458 775 76

10. Los Reyes، لقلوق

هالمطرح وجهة مثالية للجمعات الكبيرة، عندن بيوت خشب فخمة ومكنكنة لتقضوا أحلى أوقاتكن بحضن طبيعة اللقلوق.

الرقم: 004 801 81

11. Cove، غوسطا

بيت حجر بطابع قديم، Cove قاعد على تل بأعالي غوسطا مع إطلالة خيالية على خليج جونيه. مع أنو المنظر الخلاب بحد ذاته سبب لتحجزوا هالبيت، بس كمان بتلاقوا تجربة مرتبة ومريحة بالشتوية.

الرقم: 078 278 70

12. بيت مراد، جزين

عيشوا تجربة البيوت اللبنانية التقليدية عند بيت مراد، عبارة عن بيت ضيافة من الحجر عمرو ميات السنين، ومهرب هادي من ضجة الحياة على حقبة تاريخية مميزة و قعدة ريفية بحضن الضيعة!

الرقم: 343 553 03

13. بكرزاي، بعقلين

هالمطرح محبوب كتير ببعقلين! بكرزي بيقدملكن بيوت ضيافة منوّعة بتشمل سويتات فاخرة، بيوت تراثية، غرف مرتبة بتراس خيالي. وحتى عندن تجربة منتجع حلوة من سونا ومساج وحمام بخار.

الرقم: 020 512 03

14. نوك، غوسطا

هالكابين الهادي والمودرن مجهزة لتوفرلكن أفضل درجات الراحة. ما في أحسن من هالمكان المميز لتقضوا عطلة قصيرة، بتقدروا تقضوا وقتكن عم تتفرجوا على أفلامكن المفضلة، أو تستمتعوا بالمنظر الخلاب إذا تمشيتوا برا بالطبيعة.

الرقم: 655 511 03

15. أزواردي، اللقلوق

الأزوردي بيقدم تجربة روعة لمحبي الشتوية والبرود وقعدات الجبل بهالطقس. بتقدروا ترخوها جنب الشاميني، تدوقوا مازة مميزة من مطعمن اللبناني، وتضيعوا بجمال اللقلوق. إذا تلّجت الدني، بتقدروا تستمتعوا بالمنظر مع أطيب كاس نبيد.

الرقم: 868 888 76

16. كابين UŽÍT، إهدن

إغمروا حالكن بجمال إهدن بكانون، بين الشجر والغابات المعمّرة بتقدروا تعيشوا تجربة فخمة وما بتنتسى بقب هالبيت الخشب.

الرقم: 564 214 81

17. Abdelli Terraces، عبداللي

لكل اللي عم يفتش على مكان مميز للراحة والإسترخاء بالطبيعة، تراس عبدللي بيقدملكن بيوت ضيافة ونشاطات مميزة بالطبيعة!

الرقم: 569 333 76

شوفوا كمان، ٧ مطارح لتقضوا ليلة دافية بحضن الباروك