٧ مطارح لتقضوا ليلة دافية بحضن الباروك

الشتوية غير شكل بمنطقة الشوف، بين محميات الأرز الطبيعية والتلوج البيضا والضيع الجبلية الساحرة. اليوم رح ناخدكن تحديداً على ضيعة محبوبة والكل بيقصدها بالشوف لجمالها. مشوا معنا على الباروك، ضيعة معروفة بشلالاتها الغزيرة بالصيف، وغاباتها الساحرة بالشتوية.  وأكيد ما بيكمل المشوار من دون ما نقضي كم ليلة، كرمال هيك لقينالكن أجمل 7 مطارح لتقضوا ليلة دافية من أوتيلات و و بيوت الضيافة بالباروك. 

1. بيت أسترا

مطرح مكنكن وبيتوتي ناطركن بأحضان شجر الباروك العتيق. 

إنبسطوا بأطيب ترويقة بين التلوج الناصعة عندن مع أصحابكن، العيلة، أو الحبيب. 

الرقم: 525 912 70

2. بيت كايا 

إستمتعوا بوقت حلو وعملوا ذكريات بقلب بيت دافي وهادي، مع قعدة جنب الشاميني وأكل طيب ومنظر خلاب للطبيعة الجبلية بالباروك. 

الرقم: 621 060 81

3. فارم فيل الباروك 

عيشوا جو الريف من قلب بيت المزرعة! أكواخ خشب وقعدة دافية وجو غير شكل للولاد بحضن الطبيعة.

مطرح مميز لتقضوا أحلى الأوقات وتنبسطوا بنشاطات زراعية مع ولادكن مع أكل بيتوتي طيب. 

الرقم: 811 711 76 

4. أوتيل شلالات الباروك

جو رومانسي ودافي ناطركن عند أوتيل شلالات الباروك! عندن مطعم بيقدم أكل لبناني بيشهي وفيو للطبيعة بتاخد العقل لتقضوا عطلة مع الشريك من العمر. 

الرقم: 922 901 81

5. مون لايت فارم

قرية سنافر، ألعاب للولاد، أكواخ خشب دافية، وقعدة بربوع الباروك عند مون لايت فارم! وحتى عندن مزرعة للحيوانات الأليفة، يعني بيوت ضيافة شتوية ومناسبة لمشوار مع العيلة والولاد وجو حلو وممتع. 

الرقم: 339 133 71 – 339 133 81 

6. داشا 

بيت جبلي من الحجر القديم بيستقبلكن على قعدة جنب الشاميني مع كاس نبيد وسفرة شهية، استمتعوا بوقت رومانسي بين التلوج وجمال الشتوية. 

الرقم: 612 796 71 

7. جنينة ياسمينة

مكان بياخدكن على عالمكن الخاص بالطبيعة، من الجنينات الحلوة والقعدات الدافية وبيت الحجر المكنكن!

الرقم: 505 255 70

خبرونا، بتروحوا مع أحبابكن على أجمل بيوت الضيافة بالباروك وتقضوا كم نهار حلوين بهالمنطقة الساحرة؟

شوفوا كمان، أجمل بيوت الضيافة بغابات ميروبا هالشتوية