شو مشاريعنا
٥ بيوت ضيافة مغطاية بالتلج بلبنان!
إذا عبالكن عطلة بعيدة عن العالم كلو، شوفوا معنا ٥ بيوت ضيافة مغطاية بالتلج بلبنان لتجربة ما بتنتسى.
عبارة عن بيوت خشب قاعدين بالتلجات وبالنص في بركة مي، وهلق غطى التلج كل المرج وصار المنظر بيخطف القلب. بتقعدوا جوا وبتسمعوا صوت الشتي وبتتفرجوا على التلج عم ينزل شوي شوي من ورا الشباك المأزز إنتو وقاعدين حد الشيمينيه.
الرقم: 904 092 03
٢. لا ميزون دي سيدر La Maison des Cèdres، الأرز
هالبيت قاعد بقلب الأرز ومحاوط بشجر الأرز من كل الميلات وما في أجمل من القعدة في بس تتلج الدني حد النار. وبس يجي عبالكن بتطلعوا بتعملوا سكي أو بتتمشوا على التلجات وفيكن تولعوا نار. وجوا بتقعدوا دافيين وبتكنكنوا حد الشيمينيه وبتحضروا لقمة خفيفة مع كاس نبيد.
الرقم: 414 888 71
٣. بارادايز غيستهاوس Paradise Guesthouse، العاقورة
بيت ضيافة مميز قاعد براس الجبل بالعاقورة وبيتميز بقعدة جبلية بين التلجات ومش بس هيك، بالجنينة بتلاقوا أهضم بيوت خشبية معلقة بالشجر. هيك بتقعدوا بالجبل وبتنعزلوا عن كل الدني وبتكنكنوا بعيد عن العجقة والضجة وبتعملوا ذكريات ما بتنتسى.
الرقم: 467 536 76
٤. أزوردي، اللقلوق
تلجلت الدني باللقلوق وما في أجمل من القعدة بقلب بيت خشب مخبى بالتلج حد النار مع كل وسايل الراحة والتدفئة من الشيمينيه ومحل للشوي لجنينة بتحلا القعدة فيا على الصبح مع ترويقة وفنجان قهوة. مش بس هيك هل محل عندو مطعم مميز مع فيو مأزز وبيكشف على التلج دغري، بتحسوا حالكن قاعدين بقلب التلجات عم تاكلوا وتشربوا.
الرقم: 868 888 76
عبارة عن ٣ بيوت قبة معزولين بين التلجات، المنظر مفتوح على التلج مع برادي لبس يجي عبالكن تنعزلوا عالآخر تسكروهن. اللي بميز هالمطرح إنو عندو خدمات روعة، صوبيا دافية وقعدة مرتبة كتير وتلفزيون لتحضروا أفلام لطلوع الضو. مش بس هيك الصبح بتوصلكن ترويقة غير شكل لتقعدوا مكنكنين وتشوفوا أجمل منظر للتلج قبالكن.
الرقم: 330 331 70
برد وتلج: ١٥ شغلة تعملوها بهل طقس بلبنان! شوفوا كمان،