شو مشاريعنا
برد وتلج: ١٥ شغلة تعملوها بهل طقس بلبنان!
تلج تلج عم تشتي الدنيي تلج… هلق عز التلج والبرد، إذا كنتوا عم تدوروا على إشيا تعملوها بهيك طقس، جبنالكن ١٥ فكرة حلوة، لتستمتعوا بأحلى الأوقات تحت التلج. من سحلب بساحة الميدان لنومة دافية ببيت جبل، في شغلة لكل ذوق.
شوفوا هالليستة معنا لتعيشوا الشتوية على أصولها!
١. دفوا بطنكن بكاسة سحلب بنص ساحة الميدان بكافيه عيروت بإهدن والتلج حواليكن مكوم تكويم
الرقم: 884 383 03
٢. قضوا ليلة دافية حد النار بقلب كوخ خشب بنص التلجات عند Perch Chabrouh Faraya
الرقم: 266 552 03
٣. زوروا البحيرات المجلدة بفالوغا وتفرجوا على أجمل منظر طبيعي بلبنان
٤. عملوا سكي على بستة الأرز وبس تخلصوا كلو أطيب لقمة عند Le Pichet des Cèdres
الرقم: 777 678 06
٥. عيشوا تجربة خيالية: قعدوا بجاكوزي مي سخنة عم تغلى بين التلجات عند Nirvana Hotel باللقلوق
الرقم: 112 441 03
٦. عملوا مشوار بالATV على جرود اللقلوق بالتلج واكتشفوا الطرقات لي مكومة تلج مع Speed Mountains
الرقم: 149 634 03
٧. طلعوا على ضيعة حمانا وجربوا طبق جبنة الفوندو مع التلج الأبيض حواليكن عند مطعم Cherrylane
الرقم: 588 335 71
٨. عملوا بيكنيك بقلب غابة العزر بفنيدق بين التلجات وطلعوا معكن بريق شاي وولعوا نار
٩. تمشوا بسهل القموعة واكتشفوا الطبيعية الرائعة وعيشوا مغامرة ركوب الخيل على التلج لأول مرة بحياتكن
١٠. بلشوا نهاركن بترويقة بلدية ومناقيش صاج وفنجان شاي بقلب العرزال العالي بحراجل على صوت فيروز والتلج تحتكن
الرقم: 883 285 03
١١. كلوا لقمة جبلية غير شكل بقلب بيت خشب مع بريق شاي عم يغلي عند الأزوردي باللقلوق وتفرجوا على منظر التلج من الشباك
الرقم: 868 888 76
١٢. قضوا ليلة دافية ومن العمر بإهدن بين التلج المكون عند أوتيل ميست ونسوا هموم الكرة الأرضية
الرقم: 222 100 71
١٣. عملوا هايك بالتلجات بقلب محمية تنورين وتفرجوا على الشجر الأبيض
١٤. جربوا حمام التلج الطبيعي بقلب برك المي الدايبة بقناة باكيش
١٥. المغيب بالتلج إلو طعمة خاصة وما فينكن تحسوا في لتعيشوا عند تمثال مار شربل بفاريا فوق العالم كلو
قصص تعملوها بس تشتي الدني وتبقوا بالبيت شوفوا كمان،