وين فيكن تقضوا ليلة دافية بين صنوبر برمانا؟

برمانا ضيعة لبنانية محبوبة كتير لتاريخها الغني، شوارعها القديمة، بيوتها الحجر، وقعدتها الجبلية الونسة. ويمكن ما في شي أحلى بالشتوية من مشوار الجبل! اليوم رح نخبركن وين فيكن تقضوا ليلة دافية بأحضان برمانا. رح ناخدكن على أجمل بيوت الضيافة ببرمانا والأوتيلات المميزة لكل حدن عبالو يقضي العطلة بهالمنطقة الحلوة. 

1. Grand Hills Hotel Broumana

إذا عبالكن تقضوا شهر عسلكن بلبنان من دون ما تسافروا وعم تفتشوا على مطرح مرتب، لازم تحجزوا عند غراند هيلز أوتيل. مطرح بتلاقوا فيه الفن الكلاسيكي، الديكور الفاخر، والقعدة الملوكية. بوفرلكن هالأوتيل كل وسايل الراحة والرفاهية لتقضوا ليلة أو تنين من عمر. 

الرقم: 921 868 04

2. Pineville

برمانا معروفة بطبيعتها الجبلية الخلابة وغابات الصنوبر، وإذا انتو من محبي قعدات أكواخ الخشب كتير رح يعجبكن باين فيل.

جو مكنكن، قعدة مريحة، رواق الطبيعة، ومنظر خيالي لتستمتعوا فيه هالشتوية. مطرح مميز تجربوا مع أصحابكن!

الرقم: 736 363 71 

3. Le Crillon Hotel

هالأوتيل مناسب تحجزوا فيه إذا عندكن ولاد لأنو عند جو كتير حلو للعيلة. هيك بتقضوا نهاركن عم تكتشفوا المنطقة وبتقضوا ليلة مميزة بالأوتيل، عدا انو عندو إطلالة ساحرة لجبل صنين.

الرقم: 555 865 04

4. شاليه برمانا

هالبيت الضيافة بيتميز بالديكور اللبناني القديم من الحجر والقناطر وقعدة بيت الجبل. بتنبسطوا بقعدة جنب الشاميني، بتتمشوا على التراس اللي بيطل على برمانا كلها، بتستمتعوا بموسيقى البيانو، وبتقضوا ليلة غير شكل! والحلو انو الشاليه بتلاقوا فيه كمان مطعم، هيك إذا خطر عبالكن تاكلوا ما بتحتاروا. 

الرقم: 635 310 76

5. Printania Palace Hotel & Resort

أوتيل برنتانيا مغمور بشجر الصنوبر وقاعد ع التل، عندو جو كلاسيكي وقعدات دافية مليانة رومانسية.

لكل العشاق اللي عبالكن يقضوا ليلة ببرمانا، أو اللي عبالن يحجزوا لشهر العسل، هالأوتيل بيقدملكن جو من الأحلام. عدا عن منظر روعة بتفيقوا عليه الصبحيات، أديه حلو؟ 

الرقم: 000 862 24 – 593 599 03

خبرونا، حبيتوا المشوار ع أوتيلات وبيوت الضيافة ببرمانا؟

شوفوا كمان، أجمل بيوت الضيافة بحدث الجبة للشتوية