١٠ شغلات رح تفهمها إذا كنت الولد النصاني بعيلة لبنانية!

حكينا قبل عن صعوبات إنو يكون الواحد أكبر ولد بالعيلة اللبنانية ورجعنا حكينا عن أزغر ولد، بس كيف الوضع إذا كان الولد النصاني؟

١. ما حدا بعبركن لو شو ما عملتوا

٢. دايماً بتحسوا حالكن ضايعين مش عارفين الله وين حاطتكن

مش عارفين حالكن لازم تقعدوا مع الكبار أو الزغار بالعيلة

٣. الكل بعيطولكن حسب إسم خيكن أو إختكن

“ييي مش إنت خيو لسامر؟”

٤. ما عندكن ولا كتاب جديد وولا تياب جديدة

كلو مستعمل من خيكن الكبير وممنوع تنزعوا شي لأن إختكن الزغيرة بدها ترجع تاخدن

٥. عطول لاحقتن البهدلة من كل الميلات

بس أهلكن يعصبوا من خيكن الزغير بعصبوا عليكن كمان وبس يعصبوا من خيكن الكبير بتاكلوا معو بهدلة هضهر البيعة

٦. لما تبدوا رأيكن بشي ما حدا برد عليكن

لك إنت مين أصلاً؟

٧. أهلكن مغنجين إخواتكن الزغار عالآخر وإخواتكن الكبار كانوا كتير قاسيين معن بس إنتو مش شايفينكن أصلاً

٨. بكل ضهرة لإخواتكن بدون أهلكن يدحشوكن فيها

٩. ما عندكن لا صور ولا فيديوز من إيام الطفولة لأن ما حدا كان فاضيلكن يصوركن

١٠. عطول عم تتفرجوا على إخواتكن عم يتخانقوا وإنتو ما حدا بيلكشكن ولا حتى بمشكل

بس عطول لما حدا يعلق مشكل ما بلاقوا غيركن إنو يفضفضولوا لأنكن أكتر حدا بيسمع للكل!

٢٦ كذبة سامعها كل ولد من أهلو بلبنان شوفوا كمان،