٢٦ كذبة سامعها كل ولد من أهلو بلبنان

بس كنا زغار، كانوا أهلنا يخبرونا قصص ما بتخطر لا على البال ولا على الخاطر، ما حدا بيعرف من وين جايبينا بس كنا نصدقها وربينا وكبرنا عليها وكلنا منتذكر الصدمة لي عشناها لما اكتشفنا إنها كذبة، خلونا نتذكرها سوا: ١. إذا بتحرّ كتير بيجي عليك أبو كيس بالليل بحطك بالكيس وبياخدك ٢. بس تحرّ وتكون عم ترعد الدني بتجي عليك إم رعيدي وبتحطك تحت باطا وبتاخدك ٣. إذا وقع ضرسك لازم تحطوا تحت المخدة لأن بتجي جنية السنان بالليل وبتحطلك مصاري محلو ٤. لازم ينحط الضرس بس ينقبع بحيط حجر لأن ما لازم ينكب بالزبالة ٥. الولد لي بحر وبيطشيتن كتير ما بيطلعلوا هدية من بابا نويل ٦. إذا بلعت بزر البطيخ، بتطلع بطيخة بمعدتك ٧. الولد لي بضل يكذب بيطولوا مناخيرو ٨. الولد لي بيشرب قهوة بيطلعلو شوارب عوج ٩. ما بيسوى الولد يضحك كتير نهار الجمعة لأن بيرجع بيبكي نهار الأحد ١٠. إذا انفتح القبر نهار التنين بضل مفتوح كل الجمعة وبجر ورا كل يوم حدا على الموت ١١. ما لازم الولد يصوفر بالليل بيطلعلو تالولة ١٢. راسك أتقل من جسمك ١٣. بعرف لأن العصفورة خبرتني ١٤. إذا ما بتدرس رح بحطوك بأوضة الفيران بالمدرسة ١٥. إذا بتطلع من البلكون لتحت، الشيطان بيسحبك لعندو ١٦. إذا حدا بيطلع فيك لوقت طويل بصيبك بالعين ١٧. لي بياكل بوظة بالشتوية بيمرض ١٨. لازم تلبس الفلانيلا بالقلب لتحميك من صيبة العين ١٩. الولد لي بيبكي كتير ما بيسكت غير ما ينعملو رقوة ٢٠. إذا بتاكل ضافيرك بيطلعلك شجرة بمعدتك ٢١. بس يمرق نيزك، لازم تطلب أمنية بتحقق ٢٢. ما بيسوى تعد النجوم بالليل، بيطلعلك تواليل بإيديك ٢٣. بس تمرق تحت قوس قزح، لازم تطلب أمنية بتتحق ٢٤. إذا كانت عم تشتي ومشمسة الدني، بكونوا عم يتجوزوا الفارة والجردون تحت الأرض ٢٥. لي بعذب المعلمة بالمدرسة بحطولوا لبنة على ديني لتجي الفارة تاكلن ٢٦. الولاد الزغار بيجوا من الخسة شوفوا كمان، ١٥ موقف كنا نكره نعيشن إيام المدرسة.