شو أول جريدة بلبنان؟ شوفوا قصتها لي ما حدا بيعرفها!

بتعرفوا شو أول جريدة صدرت بلبنان؟ بتعرفوا أي سنة صدرت؟ خلينا نخبركن قصتها يلي قلال كتير يلي بيعرفوها..

أول صحيفة لبنانية صدرت سنة 1858 وقت الإحتلال العثماني وكان إسمها “حديقة الأخبار” وأسسها خليل الخوري.

كانت أول صحيفة بالعربي، وتأسست بلبنان! وبعد مرور سنوات، وتحديداً بسنة 1907، رجعت نزلت من بعدها أول صحيفة لبنانية بالفرنسي، وكان إسمها “كوريسبوندان دو أوريان”.

وكانت كل الجرايد لي بتصدر قبل جريدة “حديقة الأخبار” جرايد حكومية بتنشر آراء الحكومات العثمانية وبس.

َبوقت يلي صدرت في بلشت حرب ال68 بلبنان،فكانت جريدة “حديقة الأخبار” الوحيدة لي عم تغطي حوادث العام 1860 الأليمة أو ما يعرف بحرب الجبل وكان إلها دور كبير بتغيير مسار وتاريخ لبنان.

من بعد ما تم تغطية الأحداث والجرايم يلي صارت بوقت حرب الجبل وبسبب الدور الكبير لي لعبتو هالجريدة، سعت الدول الكبيرة على إقرار نظام سياسي جديد لجبل لبنان، يلي كرس إستقلاليتو عن باقي دول المنطقة.

وهيك تم تكريس نظام جديد للبنان يلي هوي نظام متصرفية جبل لبنان المستقل التابع مباشرةً للباب العالي بالسلطنة العثمانية.

تخايلوا من وقتها لليوم، الصحف اللبنانية بتلعب دور مهم بالحياة السياسية بالبلد، وكانت بوقتها عم تنقل مشاكل البلد لي ما بتخلص وتطرح حلول، أما اليوم، ما في شي تغير فعلياً على مدى أكتر من 150 سنة من الصحافة بالبلد غير أسامي الجرايد! بعدها السلطة الرابعة ووسايل الإعلام حاملين البلد على كتافن وبعدن هني الأقوى والأكتر تأثير بالرأي العام بالبلد وبعدنا عم نحكي وننقل يومياً مشاكل البلد لي ما بتخلص!

وهيك بتخلص قصتنا لليوم انشالله تكونوا حبيتوا!

شوفوا كمان، ضيعة زغيرة منسية بالبترون: وصلت إسم لبنان للعالم!