جبل صنين الشامخ قاعد على إرتفاع ٢٧٠٠ متر ومشهور بتاني أعلى قمة بلبنان، وحتى بتقدروا تشوفوا سفوحه من مدينة بيروت. يعتبر جبل صنين مقصد سياحي أساسي للتزلج بلبنان والشرق الأوسط، خصوصي بمناطق متل كفردبيان وفقرا والزعرور وفاريا. بما انو خبرناكن وين فيكن تلاقوا بيوت ضيافة بفاريا والزعرور، قررنا نكفي البرمة على مناطق قناة باكيش وبسكنتا نخبركن وين فيكن تقضوا ليلة من العمر جنب جبل صنين.
هالأوتيل بيتميز بطابع كلاسيكي وجبلي. عدا عن الغرف المريحة والمرتبة بتلاقوا مطعم بيقدم عشوات دافية وليالي راكليت، قعدة جنب الشاميني، وبوفيهات نهار الأحد. مطرح مميز لتقضوا شهر العسل خصوصي بأجوائه الرومانسية والمكنكنة، موقعو جنب جبل صنين وبين التلوج!
الرقم: 101 295 04
مطرح مميز لتحجزوا كم يوم بقلب شاليهات على سفوح جبل صنين! ولما تتلج الدني، المنطقة كلها بتنغمر بالبياض. هالمكان مناسب للعيلة، أو جمعات الرفقة، أو حتى عطلة رومانسية بالجبل.
الرقم: 056 059 03
تخايلوا تفيقوا الصبحيات على منظر جبل صنين المكلل بالتلج؟ لتعيشوا هالتجربة الحلوة ميلوا على بيوت الضيافة مون لودج اللي بتقدم قعدة مكنكنة وجو جبلي! والحلو انو قريب من مركز التزلج بالزعرور ليكمل مشواركن للشتوية.
الرقم: 222 777 81
هالبيت الدافي بيتميز بجو الرواق والقعدة المريحة ببسكنتا جارة صنين.
قاعد جنب بحيرة جليدية ودغري بيطل على سفوح جبل صنين!
الرقم: 498 405 70 – 582 392 03
إذا عبالكن عطلة رومانسية بقلب الطبيعة بعيد عن العالم، لازم تجربوا بيوت القبة عند Odom Retreat. بيقدمولكن قعدة فاخرة ودافية بنص الجبل، و جو حميمي على الآخر مع كامل الخدمات ووسايل الرفاهية والراحة.
ولما تتلج الدني، هالبيوت رح تاخدكن على عالم من الخيال مع حبيبكن!
الرقم: 092 992 76
Image by guidelb
خبرونا، حبيتوا مشوارنا على أعالي صنين؟
شوفوا كمان، بتحبوا بيوت القبة؟ لقينالكن ١٢ بيت قبة بقعدة شتوية بلبنان