شو مشاريعنا
بتحبوا بيوت القبة؟ لقينالكن ١٢ بيت قبة بقعدة شتوية بلبنان
في كتير قعدات إستثنائية ناطرتكن هالشتوية لتجربوها مع أصحابكن أو الشريك! ومنها هي قعدة بيوت القبة المكنكنة والمهضومة، بين التلوج وجنب الصوبا بمكان بعيد عن العالم. بس وين فيكن تلاقوا هالقعدة والجو بلبنان؟ اليوم رح ندلكن على ١٢ بيت قبة إستثنائي بحضن الطبيعة بلبنان.
1. Sky Domes، دلبتا
بيوت قبة مميزة مع إطلالة خيالية للجبال بكسروان.
هالموسم، بيقدمولكن تجربة رومانسية ودافية لإلكن وللشريك بين أحضان التلوج!
الرقم: 613 853 76
2. Glampish، الكورة
هالمطرح بيقدملكن تجربة التخييم والقعدة المرتبة بمكان واحد. عندو جو دافي، منظر حلو للطبيعة، ووسايل الراحة.
الرقم: 025 267 70
3. The Dome، كفردبيان
لكل اللي بيحبوا يطلعوا على كفردبيان بالشتوية، كتير رح يعجبكن ذا دوم.
إستمتعوا بدفى الصوبا، الجو المكنكن، منظر التلوج، والقعدة اللي بعيدة عن العالم.
الرقم: 330 331 70
4. ODOM by ODIN، بسكنتا
هالمطرح بياخدكن مشوار مميز بأحضان الطبيعة لتعيشوا تجربة فريدة بقلب بسكنتا.
بيتميز بالأجواء المرتبة، وسايل الرفاهية، وقعدة الرواق اللي بتحسسكن بالراحة النفسية.
الرقم: 092 992 76
5. The North Pod، مزرعة التفاح
بيت قبة قاعد بنص الغابة بالشمال بيقدملكن تجربة إستثنائية و رومانسية.
عيشوا لحظات حلوة من قلب عالمكن الخاص لما تشتي الدني أو تتلج.
الرقم: 001 506 81
6. La Luna، أدما
لا لونا بيت قبة بيطل على واحد من أروع المناظر الساحلية بلبنان. بتنبسطوا بجمال المنطقة والقعدة الدافية عندن!
الرقم: 231 987 70
7. Bjrane Domes، البترون
بتلاقوا بين بساتين الزيتون بيت قبة زغير ولطيف ناطركن على جو كتير حلو، ترويقة بلدية، ومنظر الطبيعة.
الرقم: 117 841 81
8. River Zen، الشوف
عبالكن تجربوا نومة دافية على صوت الشتي ورواق الطبيعة الجبلية بالشوف؟ هالمكان بعيشّكن عطلة مميزة بقلب بيت قبة بالغابة وجنب النهر، بتتونسوا بمنظر الخضار وقعدة الصوبا الدافية.
الرقم: 716 680 71
9. Eureka، الشوف
بيت قبة مميز بلبنان مع فيو مفتوحة ع الطبيعة.
إستمتعوا بليلة دافية عم تحضروا أفلام مع كاس نبيد انتو والشريك.
الرقم: 382 804 81
10. Hideaway Suites، الدبية
إنبسطوا بقعدة جاكوزي دافية مع منظر روعة للغابة عند هالبيت القبة اللطيف.
الرقم: 434 804 81
11. Avalon Getaway، بيصور
بيت قبة كتير مناسبة تجربوا مع أصحابكن، بتسهروا على الأفلام، وجنب الصوبا مع هوت شوكليت.
الرقم: 428 419 70
12. ليالي الشمس أوتيل، عنجر
قضوا كم نهار بعنجر عند أوتيل ليالي الشمس. عندو بيوت قبة مكنكنة وخاصة لتعيشوا لحظات ما بتنتسى بعد نهار حلو بالمنطقة.
الرقم: 600 622 76
شوفوا كمان،مشوار على أجمل بيوت الضيافة بإهدن للشتوية