بنص الشتوية: ١٠ شغلات تعملوها بضيعة حراجل

شتوية حراجل ما بتتعوض! حراجل بلدة لبنانية عريقة، واقعة بقلب جبال كسروان فيها مناظر طبيعية خلابة، وناسها طيبين والحياة فيها بسيطة وجبلية بس بنفس الوقت قريبة عالمدينة. إذا كنتوا عم تخططوا لرحلة شتوية ممتعة، حراجل هيي المكان المناسب.

هون رح تلاقوا ١٠ شغلات تعملوها وتعيشوا فيها أحلى اللحظات:

١. بلشوا نهاركن بترويقة بلدية غير شكل بقلب العرزال لي معلق بالسما

لبنة وزعتر ومناقيش وبيض مقلي بالفخارة مع مشطاح سخن وبطاطا مشوية

وأحلى شي بعد الأكل فنجان الشاي السخن مع كعك بلدي وقطعة حلاوي على صوت فيروز

الرقم: 883 285 03

٢. شوفوا البحيرات المجلدة وتفرجوا على أجمل منظر طبيعي بلبنان

٣. تفرجوا على بيوت الحجر العتيقة بالضيعة

٤. جيبوا معكن أكلاتكن وعملوا بيكنيك بنص التلجات

٥. جربوا مناقيش الكشك لي معروفين فيها أهالي حراجل وبيعملوها عأصولها

بس مش بس طعمة مناقيش الكشك لي بتخليها مميزة. هيك كمان الطريقة لي عم يعملوها فيها مع مكونات بلدية وفرن الصاج

٦. زوروا المزار لي ع راس الجبل مطرح ما المنظر بيخطف القلب

٧. تفرجوا على مغيب الشمس فوق الغيوم من ورا البيوت المهجورة

٨. تمتعوا بأطيب لقمة جبلية عند جنة الشعرا

عندو قعدة قش، أكل بالفخارة، كركة عرق وصاج

بعد ما تخلصوا أكل شربوا شفة قهوة إنتو وعم تتفرجوا على المنظر وتدفوا

الرقم: 650 119 79

٩. بس يكون في تلج، تمشوا بالجرد وعيشوا تجربة السكي الحر

١٠. قضوا ليلة دافية بقلب شالي Les Toits

هيدا المحل المكنكن مخبا بقلبو جاكوزي لترخواها عالآخر

بس تجوا فيكن تستمتعوا بليلة حد النار وبكير تعملوا صبحية على التراس برا

الرقم: 191 842 70

شوفوا كمان، بنص الشتوية: ١٢ شغلة تعملوها بضيعة عندقت!