كيف فيكن تقضوا نهار مميز بشارع بدارو؟

من شارع الحمرا لمار ميخايل، الجميزة وسرسق وبدارو وغيرها، بتلاقوا انو بيروت ما بتخلى من الجواهر المخباية والضهرات المميزة، مدينة مليانة حياة وما بينزهق منا. اليوم رح ناخدكن مشوار على شارع بدارو، شارع زغير ومهضوم ببيروت لنشوف كيف فينا نقضي نهار كامل فيه، وين فينا ناكل، وشو النشاطات الموجودة. يلا مشوا معنا!

1. بلشوا نهاركن بأطيب فنجان قهوة مختصة من عند بن كوفي بار

2. إبرموا الشوارع البيروتية القديمة وبتوصلوا عند كافيه كيرل Curl مهضوم ورايق بتطلبوا عندو حلويات وبتتصفحوا الكتب

3. ولأنو المتحف الوطني كتير قريب ع بدارو، ما فيكن ما تزورورا

4. إستمتعوا بألذ برانش غني وبيشبّع عند La Degusteria، عندو مأكولات مميزة وسناكات 

5. إنبسطوا بورشات فنية متنوعة وطلعوا طاقتكن الإبداعية عند Creativenass

الرقم: 554 656 76

6. إدعموا المزارعين والإنتاج المحلي وتعرفوا على مجال الزراعة اللبناني والأكلات التراثية بسوق Badaro Urban Farmers

7. صار وقت الغدا وبتلاقوا عند مطعم East Village أطيب الأطباق العالمية الشهية ومن أبرزها الستيك الطرية المغمسة بالصوص وع جنبها البطاطا المقلية

8. للتحلاية بتميلوا عند Sift Bakery وبتجربوا أطيب الحلويات وأنواع الكيك الشهية 

الرقم: 499 899 71

9. قضوا عصرونيتكن بأحلى كافيه ومحل ورود عند Bouquet Délicieux

الرقم: 291 201 03 

10. إختموا نهاركن بسهرة غير شكل عند بار كتير مكنكن ع الدقة القديمة اسمو The Attic Bar

الرقم: 220 056 03 – 073 382 01

خبرونا، حبيتوا المشوار على شارع بدارو؟

شوفوا كمان،١٠ مطاعم لتجربة عشا ببيروت مكنكنة ودافية