تعرفوا على قوة الرمي: الفن القتالي اللبناني!

إنتو أكيد بتعرفوا إنو الكاراتيه أصلو من اليابان، والكونغ فو من الصين، والجو جيتسو من برازيل…. بس بتعرفوا شي إنو في فن قتالي طالع من لبنان كمان؟ خلينا نعرفكن على فن القتال اللبناني: قوة الرمي.

شو هوي بالضبط وكيف بلش؟

قوة الرمي فن قتالي لبناني أصيل ابتكرو الدكتور وليد قساط سنة 1980 بطرابلس. هوي مش بس “فن”، هيدي ثقافة وطريقة قتال بتعكس تقاليد فن القتال بلبنان والعالم العربي، متل ما إسمو بالعربي بيعرف عن حالو “قوة الرمي”، قوة مش بس جسدية، قوة ثقافية كمان. مش بس هيك، بيعلموا استعمال السيف العربي، يلي هوي شي كتير مهم!

مزيج من الركل واللكم:

كل فن من الفنون القتالية بركز على شي معين. بتعرفوا التايكواندو؟ كل شغلو الركل. أما الجودو؟ واللكم والرمي. بس قوة الرمي شي عنجد فريد من نوعو، بيجمع كل هالأشيا سوا، من الضربات لحد التسليم!

الوصول للعالمية:

قوة الرمي بطل فن محلي وبس، وصل للعالمية! اتسجلت قوة الرمي بإيطاليا سنة 2007، وبعدين اتبناها الاتحاد العربي سنة 2009، وبعدين المجلس الأولمبي العربي لفنون القتال سنة 2010. بس هيدا مش كل شي، السنة الماضية عملوا بطولة خاصة للهواة بهل رياضة بلبنان!

منو متل الحزام الأسود الموعدين علي:

كلنا بس كنا زغار كنا نحلم يطلعلنا حزام أسود، بس كلنا كنا نترك التدريب بعد أول شهر، بس بلعبة قوة الرمي الأمر رح يكون مختلف معكن. بدل الحزام الأسود، بيحصلوا لي عم يتدربوا على قوة الرمي على شارات لبدلة الفن القتالي الخاصة فيهن. الدرجات بتبلش بالنجمة، الهلال، بعدين القمر، الشمس، والسيف، وآخر شي: قبضة. بس ما خلصت القصة هون، في أرقام بعد الكف بتودي للمستوى العاشر، متلا متل درجة الحزام الأسود بس أعلى!

أكتر من مجرد ضرب:

هلق إذا كنتو بتحبوا فنون القتالية أو لأ، قوة الرمي أكتر من مجرد ركلات ولكمات. متل ما الفنون القتالية المعروفة صارت جزء من ثقاقة اليابان وجزء من ثقافة الصين، هيدا الفن القتالي صمموا خصيصاً ليعكس ثقافتنا الشعبية. مش بس بالرياضة، حتى بحياتنا اليومية وصار يعتبر جزء من الهوية القتالية اللبنانية!

شو رأيكن؟ عبالكن تجربوا قوة الرامي وتكسروا قواعد الملاكمة المعتادة؟

شوفوا كمان، أول فيديو كليبات لأشهر الفنانين اللبنانيين!