عبالكن بيوت ضيافة دافية عالبحر؟

عبالكن تستمتعوا بمنظر البحر بالشتوية؟ لأنو حتى البحر الهايج عندو جمالو الخاص، وحتى لما تاخد العواصف وتجيب موجاتو بيضل من أروع المناظر اللي ممكن تشوفوها. اليوم قررنا ناخدكن معنا مشوار حلو على بيوت ضيافة دافية عالبحر بلبنان. 

1. Ô Fleur De Sel، أنفه

هالبيت الضيافة قاعد بعاصمة الصيف أنفه وبيتميز بديكور أنفوي تقليدي. عندو قعدة دافية جنبا لصوبا، حديقة سرية، وفيو مفتوح ع جمال البحر مجرد ما تتأملوا فيها بتحسوا بالسلام الداخلي. صدقونا، كم يوم بهالبيت رح يريّحوكن من كل هموم الدني. 

الرقم: 920 365 70

2. E By the Sea – حالات، جبيل

هالبيت المكنكن رح يقدملكن تجربة حميمية ورايقة، عيشوا لحظات رومانسية بقلب بانيو مع كاس نبيد ومنظر روعة للبحر، سهروا عم تحضروا أفلام ع صوت الموج من بعيد، وعملوا صبحية ع البلكون جنب البحر. 

الرقم: 499 404 70 

3. Sea Salt، البترون

سي سالت بيت بتروني تراثي مع قعدة قناطر! عندو فيو بتاخد ب نظركن ع جمال البحر وعظمة غروب الشمس من قلب هالمدينة الأثرية. 

الرقم: 128 333 70

4. كالينا جوي – حالات، جبيل

عبالكن قعدة بانيو مع ورود وشموع وكاس نبيد؟ أو قعدة جنب الصوبا مع حبيبكن بجو بحسسّكن إنكن لحالكن بهالدني كلها؟ وكلو ع منظر البحر وجمال الغروب!

كالينا جوي بيت ضيافة رح يقدملكن أجمل قعدة رومانسية بجبيل، خصوصي بشهر الحب وجنب البحر. 

الرقم: 233 122 79

5. بيت إسكندر، أنفه

بيت إسكندر بياخدكن رحلة ع جمال مدينة أنفه من زمان، الجو البحري والديكور الأطلسي اللي رح يحسسكن كأنو رجعت الصيفية بيستقبلكن انتو الشريك تخت مليان ورود، كاس نبيد، وغرفة مجاورة ع البحر. 

الرقم: 242 709 71 – 183 896 71

أي رح تنقوا من بيوت ضيافة دافية عالبحر ؟

شوفوا كمان،٤ مطارح لتجربة جاكوزي إستثنائية بلبنان