شو مشاريعنا
٤ مطارح لتجربة جاكوزي إستثنائية بلبنان
مين ما بيحب يقعد بكل راحة و إسترخاء بقلب جاكوزي دافي؟ تجربة حلوة بالشتوية من جهة وكمان رومانسية من جهة تانية! اليوم رح نخبركن عن بيوت ضيافة بيقدموا تجربة جاكوزي بلبنان مميزة لحتى تجربوها مع الشريك بشهر الحب.
1. تجربة إستوائية بقلب جاكوزي عند Biophilia Luxury Lofts
هالمطرح بيقدملكن التجربة الإستوائية من قلب بيروت، بتحسوا حالكن كأنوا رجعتوا ع وقت الصيفية وسافرتوا ع المالديف. عندن تجربة جاكوزي بلبنان عنجد من الحلم وكتير رومانسية، إذا ما جربتوها ع الفالنتاين هالشهر، أكيد تركوها لشهر العسل!
الموقع: الأشرفية
الرقم: 911 195 70
2. جاكوزي بقلب كوخ سويسري مغطى بالتلوج عند Wood Hills
وود هيلز بيقدملكن تجربة جبلية من الخيال، مطرح مغطى بالتلوج وبين صخور الغابات. جربوا ع ليلة عيد الحب الجاكوزي الفاخر مع الشريك بقلب كوخ من الخشب بيحسسّكن كأنكن آخدين عطلة بجبال سويسرا!
الموقع: ميروبا، كسروان
الرقم: 786 177 76
3. جاكوزي مع حمام بخار عند Glamping Lebanon
أحلى فكرة ع الفالنتاين: جلسة مساج مع الشريك، كاس نبيد مع قعدة جنب الصوبا، وتجربة جاكوزي إستثنائية مع حمام بخار بنفس الوقت. صدقونا رح ترتاحوا وترخي أعصابكن على الآخر، وفوق هيك التجربة حميمية كتير!
الموقع: مغدوشة، صيدا
الرقم: 707 157 70
4. جاكوزي بين التلوج البيضا عند Nirvana & Shangri-La Hotels
للعشاق اللي بيحبوا التجارب الفريدة شوي، بتلاقوا بواحد من أروع أوتيلات اللقلوق تجربة شتوية وموسمية موجودة بس لما تتلج الدني وتكون الجبال مغطاية بالبياض.
جاكوزي خارجي دافي وبنفس الوقت بين التلوج، يعني عنجد شي من العمر مع الشريك!
الموقع: اللقلوق
الرقم: 112 441 03
خبرونا، أي تجربة جاكوزي بلبنان حبيتوها أكتر شي؟