٥ مطارح لتعيشوا تجربة كارافان بلبنان

لعشاق التخييم والقعدة بالطبيعة، هالمقال خصوصي لإلكن! كلنا منعرف أديه حلوة تجربة التخييم بقلب كارافان (حتى لو مش مجربينها)! كرمال هيك، إخترنالكن ٥ مطارح مميزة بقعدة كارافان بلبنان. 

1. Pack And Go، إهدن

عبالكن قعدة من فوق الغيوم بأعالي إهدن وبين الجبال الشمالية؟ باك اند غو بيقدملكن قعدة استثنائية لمحبي التخييم، سهرات نار، منظر خيالي لغروب الشمس، وقعدة بقلب فان مكنكنة ورومانسية. 

الرقم: 657 901 71 

2. Van Life Experience – غدراس، كسروان

لمحبي الطبيعة اللي عبالن يهربوا من العجقة، فان لايف قاعد بين غابات كسروان، بمساحة خضرة وجبلية، بيقدملكن مكان للتخييم وفان تناموا فيه لطلوع الضو، عدا عن النشاطات المميزة والممتعة.

الرقم: 268 999 71

3. A Story، بقعاتة كنعان 

المشوار مع رفقاتكن رح بيكون غير شكل عند A Story! مش بس بيقدموا تجربة كارافان لزيزة، بس مأمنين كل وسايل الراحة والرفاهية لتنبسطوا بقعدة بالطبيعة من العمر!

الرقم: 113 553 71 

4. Caravan، صيدا

إذا انتو قاعدين بالجنوب، إخترنالكن كارافان بصيدا لتعيشوا تجربة تخييم بقلب فان وجنب البحر. عندن كل وسايل الراحة وجو حلو لتستمتعوا بوقتكن. 

الرقم: 429 998 78 

5. Secret Caravan، البترون

ممكن عبالكن نزهة مع منظر البحر، أو غدا تحت فيّ الشجر، لقينالكن مطرح حلو بالبترون. هالكارافان عندو قعدة فان مميزة ومساحة حلوة مخباية عن العالم، وكمان قريب ع الشط!

الرقم: 567 666 81 

شوفوا كمان،لقينالكن ٣٠+ مطرح بالطبيعة لأحلى مشوار هالربيع