ليالي زمان… من أضخم المهرجانات الرمضانية لسنة 2024!

شو مشاريعكن على رمضان يا حلوين؟

ما في أحلى من ليالي رمضان المباركة! واليوم رح ناخدكن بجولة على سهرة مميزة بتخليكن ترجعوا لورا بالزمن لإيام السلاطين والصوفيين، رح نروح لـ “ليالي زمان” بـ “Forum de Beyrouth“!

رحلة عبر الزمن

ليالي زمان مش بس مهرجان رمضاني مع سهرات من العمر، هوي تجربة فريدة بتنقلكن لعالم من الخيال وعبق الماضي. فورم دو بيروت رح يتحول لـ 000 10 متر مربع من الخان العربي القديم، مع زينة رمضان وراقصين صوفيين وبرك مي جارية وحنة وقعدات ديوان وشجر نخيل رح تحسسكن فتتوا على قرية رمضان إيام السلاطين.

سهرات مليانة مفاجآت!

من اللحظة اللي بتدخلوا فيها، رح تلاقوا سوق زغير في أكتر من ٧٠ بايع بيبيعوا كل شي من المونة التقليدية لأكل الشارع اللبناني وسوق الأكل ناطركن هونيك كمان. وبتقدروا تتفرجوا ع عروض الحكواتي والزينة الشعبية، وحتى تشربوا قهوة ع جنب النوافير متل إيام زمان.

إفطار وسحور البركة !

طبعاً ما في سهرة رمضانية من غير أكل! ليالي زمان عندن مطاعم لتاكلوا أطيب إفطار وسحور مميز في كل الأكلات اللبنانية التقليدية. من المشاوي المتنوعة والمحاشي، للمازة بأنواعها والفطاير المحشية والحلو وكل شي بيخطر عبالكن موجود، كل شي لذيذ وبيحكي عن عبق المطبخ الرمضاني.

ليلة مليانة سهرات ونجوم!

بعد الإفطار، ما بتخلص السهرة هون! في برنامج تلفزيوني مباشر كل ليلة ع شاشة الـ LBCI رح يقدمو النجم وسام حنا، مع ألعاب وجوايز كتيرة رح تضحككن وتسليكن. وبالليل بعد السحور، في كمان سهرات غنا وموسيقى تراثية.

ليالي زمان مناسبة للكل!

سواء كنتوا عيلة أو مجموعة رفقات، ليالي زمان رح يخليكن تعملوا ذكريات ما بتنتسى. المكان واسع وبتقدروا تحجزوا طاولات ع قد ما بدكن. للمزيد من المعلومات أو الحجز اتصلوا ع الرقم 222 501 03.

ما تفوتوا فرصة قضاء ليالي رمضان الجميلة بـ “ليالي زمان”!

هالنشاط تنظيم In Action Events بالتعاون مع سوق الأكل و OMT وبعود ريعو لجمعية المقاصد والمبرات الخيرية.

الدخولية: 5$ للكبار

الوقت: كل يوم من الساعة 8 بالليل لل 2 بعد نص ليل

شوفوا كمان، أجمل تيترات المسلسلات اللبنانية برمضان!