لقينالكن أحلى المطاعم لتجربوا غدا بالطبيعة بلبنان

عبالكن غدا بقلب الطبيعة بلبنان؟ تحت دفى الشمس أو فيّ الشجر، بالجنينة أو بالغابة أو بالجبل…لبنان مليان جمال وين ما رحتوا وبرمتوا خصوصي هلق بشهر آدار ونيسان بطقس الربيع. كرمال هيك لقينالكن أحلى المطاعم لتجربوا غدا بالطبيعة بلبنان. 

1. مطعم وادي شمسين، برالياس

مطعم وادي شمسين قاعد بجنة خضار بالبقاع. من التراس جنب النهر، جنينات الورد وين ما تبرموا، البساتين والقعدة تحت الشجر، الدروب والجسور الزغيرة فوق الميّ وبنص الجنينات، مطرح خيالي لكل اللي عبالكن غدا بالطبيعة. عندن ملاعب للولاد ونشاطات بالبحيرة كتير مميز، وقعدتن حلوة للعيلة والجمعات الكبيرة وحتى العزايم. 

الرقم: 377 677 81

2. La Becasse، الشبانية

مطعم رومانسي بقلب كوخ خشبي بقلب غابة الشبانية الساحرة، والحلو انومخبى بين شجر الصنوبر. هالمكان مناسب كتير لضهرات العيلة، وعندو قعدة جبلية بإمتياز. ولما يكون الطقس ربيعي، بتقعدوا ع الترس بالطبيعة برا وبتدوق أطيب المأكولات ع الغدا. 

الرقم: 792 491 70 

3. بكرزاي، بعقلين

بكرزاي مطعم جبلي مخبى بربوع بعقلين، وعندن بيت ضيافة على الموديل اللبنانية القديم. بيستقبلوكن ع سفرة تراثية مع أحلى مناظر الجبل والقعدات بالطبيعة تحت فيّ الشجر و بالجنينة. 

الرقم: 664 766 71 

4. مطعم بيت ستي، إهدن وزغرتا 

مطعم بيت ستي بيفوت السعادة على قلوبكن من أطباق مشاوي لبنانية، أكلة الكبة بالجرن، ومازة سخنة وباردة بطعم أصيل. عندن قعدة مغمورة بالخضار وين ما تبرموا، لتجربوا غدا شمالي مع طبيعة الشمال. 

الرقم: 528 428 81 

5. بيت الغابة، جزين

لكل محبي قعدة أكواخ الخشب، بيت الغابة عندو قعدة إستثنائية بحضن غابة صنوبر بكاسين، عدا عن انو بيقدم مطعم بأكل لبناني بيجنن، ونشاطات حلوة بالطبيعة. بتجربوا غدا لبناني ع ريحة الصنوبرات، أو ترويقة لبنانية مع صوت العصافير والغابة. 

الرقم: 222 800 07 

6. بيت الجبل، دير القمر

عبالكن بيتزا على الحطب وبوفيهات من أكل لبناني بيت الجبل مطعم وبيت ضيافة على اللبناني، بيتميز بالقعدة الجبلية والجو الرومانسي اللي بيرجعكن على أيام زمان. لقمتو طيبة، قعدتو فوق الجبل بدير القمر، وبتلاقوا جماليات التراث العريقة! واحد من أجمل المطاعم الجبلية بالشوف لتقعدوا ع تراس فوق الجبل وبين الخضار. 

الرقم: 767 160 71 

شوفوا كمان،١٠ بيوت ضيافة وأوتيلات رومانسية لازم تزوروها مع حبيبكن بلبنان!