١٠ بيوت ضيافة وأوتيلات رومانسية لازم تزوروها مع حبيبكن بلبنان!

نهاية الأسبوع جايي وإذا عبالكن تقضوا وقت حلو مع حبيبكن، مننصحكن تنقوا واحد من البيوت الضيافة والأوتيلات تزوروها مع حبيبكن وتعيشوا لحظات رومانسية.

١. بيت الغابة، جزين

شو في شي أحلى من شوية صنوبر وهدوء الطبيعة؟ استريحوا بعيد عن كل شي وغمضوا عيونكن بقلب بيت خشب مخبى بالغابة عم بقدم أطيب الأكلات! روحوا مع حبيبكن وعيشوا لحظات رومانسية ما بتنتسى.

الرقم: 222 800 07

٢- أوتيل ميست، إهدن

دلعوا حالكن شوي إنتو والحبيب! عندو كل شي رح يخليكن تحلموا شوي: سبا، نومة من العمر، مطعم حلو، و جو كتير رومانسي. بتناموا وبتحسوا حالكن رحتوا رحلة رومانسي.

الرقم: 552 111 79

٣. بيت البحر، طبرجا

بتفيقوا من النوم ع صوت الموج! هالبيت اللبناني التقليدي ع البحر رح يعيشكن تجربة الاسترخاء الحقيقية حد البحر. الجو عندو بفرفح القلب من المنظر الساحر للألوان الروعة والقعدة الرومانسية الكلاسيكية.

الرقم: 082 777 81

٤. كازا دي تحوم، البترون

بيت ضيافة راقي كتير رح ياخدكن برحلة رومانسية. غرف واسعة ومريحة وبيسينات وين ما كان. رح تقضوا وقت ما تنسوا بحياتكن! وشو في أحلى من إنكن تقعدوا حدّ البحر وتناموا بأوضة قزاز بتطل على البحر؟

الرقم: 386 555 76

٥. Biophilia Luxury Lofts، الأشرفية

مين قلكن ما فيكن تعيشوا الرومانسية ببيروت؟ شقق حلوة ومفروشة بطريقة ساحرة. تصميم عصري مع لمسة دافية ومفروشات راقية. وشو أحلى من هيك؟ قعدة الجاكوزي يلي رح تخليكن تستمتعوا بلحظات رومانسية ع الآخر.

الرقم: 911 195 70

٦. Les Logs des Cedres، الأرز

للي بحبوا الرومانسية بجبل بعيد عن كل شي، هالمجموعة من البيوت الحلوة بالأرز هي المحل المثالي! روحوا قبل ما يدوب التلج واستمتعوا بجنة رومانسية حقيقية.

الرقم: 799 720 03

٧. منتجع سكابا، عجلتون

روقان الطبيعة والفخامة بلاقوا بعض بسكابا! تخايلوا فيلل راقية وسط غابة مع منظر حلو كتير، مطعم بقدم أشهى المأكولات، سبا هادي، ونومة مريحة. كل شي رح يخليكن تحسوا بالرفاهية والرومانسية.

الرقم: 070 106 70

٨. فيلا جوا، فتري

تسعة فلل ساحرة كل وحدة فيهن عندا قصة خاصة بتحمل أسامي الشجر والورود الموجودين فيها وجرعة من السعادة. في فلل فيها مسابح خاصة، وجاكوزي وقصص مميزة. عندن كمان مطعم حلو في مخزن نبيد لعشاق النبيد المعتق مع مناظر خلابة.

الرقم: 950 009 76

٩. أودوم، باكيش

بيت قبة قاعد بقلب الطبيعة بيتميز بأوضة مريحة ورايقة، بتناموا نومة هنية وبتفيقوا الصبحيات، بتتمشوا بالجنينة مع فنجان قهوة وبتعيشوا لحظات رومانسية.

الرقم: 092 992 76

١٠. كاسادار، طريق عنايا

بيت ضيافة مألف من 5 أوض نوم وبيت حجر مع فيو بطير العقل على جبال عنايا مع ديكور خشب وحجر من جوا. بتناموا وبتسترخوا مع حبيبكن وبترجعوا بعدين بتروحوا تاكلوا أطيب أكل بقلب هل قطعة من الجنة.

الرقم: 059 019 03

شوفوا كمان، أكتر من مطعم… تجربة: مطعم رومانسي على شكل قطار!