رحلة بالذاكرة: أحلى الأغاني الرمضانية اللي ربينا عليها 

عبالكن نتذكر أهضم الأغاني الرمضانية اللي ربينا عليها ورافقنا بأجمل أيام حياتنا؟ مشوا نتذكر أيام الطفولة سوا، لما كنا نسمع المسحراتي بالشارع ومدفع العيد والفرحة الحلوة، الحياة كانت بسيطة كتير ورمضان كان الو حلاوتو، لما كان همنا الإفطار والحلويات والمسلسلات و”شوفوا إذا عم أدّن عندكن أو بعد”، الضهرات بعد الإفطار والسحورات المميزة. ومن أبرز الأشيا اللي بتذكرنا برمضان هي الأغاني الرمضانية اللي حملت الذاكرة لليوم، مشوا نسترجعها سوا. 

1. رمضان السنة دي

بتتذكروا أديه علقت براسنا هالغنية؟ ويمكن هلق تعلق براسكن بعد هالمقال. 

2. أفطرت وأنا صائم – قناة طيور الجنة

كلنا عنا ذكريات ع محطة طيور الجنة وحافظين كتير من أغانيها، خصوصي هالغنية الرمضانية، كنا نخاف نفطر بالغلط!

3. علّوا البيارق – أحمد قعبور

أحمد قعبور كان أسطورة بالأغاني اللي منذكرن من أيام زمان. ومن وقت الطفولة برمضان كنا نغني معو “علوا البيارق علوها وغنوا للعيد”

4. أغنية أهلا رمضان يا شهر الإحسان – قناة سبيس تون

كنا ننطر غنية الفاصل الرمضاني مناطرة بين المسلسل والمسلسل أد ما حلوة!

5. مرحب مرحب يا هلال – قناة MBC

وهالغنية المشهورة بين كل دعاية ودعاية كنا نسمعها، ويمكن من أكتر الأغاني الرمضانية الأيقونية من أيام الطفولة لليوم. وخلتنا نتعلق بقناة أم بي سي ومسلسلاتها برمضان.

6. أغنية البداية لمسلسل سنوحي – قناة 3 MBC

هالمسلسل اللي كان يرافق طفولتنا كل رمضان ونصير نغني مع تامر حسني “سنوحي وحابي وتيتي شيري!”. من أجمل وأحلى الأغاني والكرتون الرمضاني اللي نعملوا، ويا ريت تنعاد هالأيام. 

7. أغنية فلة الرمضانية

مين بيتذكر فُلّة ع سبيستون؟ كانت عطول تطلع بقصصها، وبرمضان تكون عاملة لوك مميز. 

8. أغنية رمضان فلفول

هالكرتون اللي كان يضحكنا كتير نحنا وزغار بس يعلمنا كتير دروس، خصوصي بالشهر الفضيل.

9. أهلا يا شهر الغفران – سبيس تون

ذكريات هالعيلة كنا نحضرها كل رمضان!

10. أهلا أهلا يا رمضان

عمو رضوان، بلش رمضان أو بعد؟

خبرونا بالتعليقات، أي أغاني رمضانية بتذكروها أكتر شي؟ 

شوفوا كمان، أجمل تيترات المسلسلات اللبنانية برمضان!