سهرة من العمر…أجمل السهرات الرمضانية ببيروت العيد!

وين رايحين اليوم بعد الإفطار؟

شو رأيكن ناخدكن بهل الشهر الفضيل لشارع أوروغواي بوسط بيروت؟ خصيصا ع “بيروت العيد”!

لبست بيروت حلتها الرمضانية، وصارت شوارع وسط بيروت ملانة بالزينة الرمضانية، فوانيس مضواية وكل شي مبهرج ومزخرف. بتجوا وبتلاقوا مسيرات حلوة ومحلات فيها كل الأصناف يللي بتشهيكن من حلاوة القطايف للبسبوسة وغيرن كتير وكيسوكات بتبيع أكسيسوارات ومطاعم ومحلات تجارية وحلو.

مش بس هيك! ناطركن ب “بيروت العيد” كمان ألعاب وعروض وفرق موسيقية بيحلوا السهرة. يعني العيلة كلها بتقدر تروح وتقضي وقت كتير مميز. تخايلوا ولادكن عم يلعبوا وفرحانين وإنتو قاعدين تتفرجوا ع الزينة وتشربوا عصير قمر الدين!

ومش ناسيين الأكل طبعاً! كل يللي بيجي عبالكن بهل إيام رح تلاقوا. من الكنافة المحشية جبنة للقطايف، للداعوقية للقهوة والشاي وحتى الجلاب يلي ريحتوا بتطير العقل.

الكل مدعوين ع وسط بيروت هالرمضان كرمال يعيشوا جو روحاني وحلو كتير. تعوا تفرجوا على الزينة وتفرجوا على العروض الفنية وخلوا رمضان هالسنة مميز أكتر من أي سنة!

العنوان: شارع أوروغواي، وسط بيروت
الإيام: من6 آدار ل13 نيسان
الوقت: من ال5 بعد الضهر لل2بعد نص ليل

شوفوا كمان، ليالي زمان… من أضخم المهرجانات الرمضانية لسنة 2024!