مدونة
بتعرفوا شو كان أول فيلم للشحرورة صباح؟ خلينا نتذكر!
الصبوحة! مين ما بيعشق هالإسم وهالوج وهالضحكة؟ كلنا بعدنا منذكر الشحرورة صباح كأنا عايشة بيناتنا، وأغانيها وكل شي قدمتو للبنان بعدو محفوظ بالأرشيف الوطني وبأرشيف الزمن الجميل.
بس هلق، رح نحكي عن أول فيلم شاركت في هالمطربة الأسطورية!
شو كان هل فيلم يا ترى؟ كان إسمو “القلب له واحد” و نزل بالسينما سنة ١٩٤٥. يومها كانت صباح بعدها صبية زغيرة عمرها ١٨ سنة بس والمنتجة أسيا هيي يلي شافت فيها نجمة وشاورتها تلعب الدور الرئيسي مع أنور وجدي.
الحقيقة، الفيلم ما حقق النجاح يلي العالم توقعتوا. صوت صباح بوقتها ما كان ناضج كتير، وحتى دورها ما كان شي كتير مميز قد الأدوار يلي أخدتن بعدين. بس متل ما بيقولوا، لكل بداية حكاية!
Credits: el fann
بعد “القلب له واحد”، صباح ما استسلمت وضلت عم بتحارب لتحقق حلم الطفولة يلي هوي إنها تكون نجمة مشهورة. ومن بعد هالتجربة انتقلت صباح لتغني أغاني خفيفة مرحة وعفوية، وهاللون خلا الناس يحبوها ويستهضموها!
مع الوقت، صوت صباح صار أقوى وبرعت بالفن، ولون غناها تغير شوية وصار في نوع من الحزن والعمق اللي شد الناس أكتر.
وهيك صارت صباح تعتمد على اللون الجبلي وصارت من أهم المطربات بالوطن العربي، و مش بس هيك أدخلت الغنية اللبنانية على الساحة المصرية.
بتلاقوا الفيلم الكامل هون:
شوفوا كمان، شو كانت أول غنية لفيروز؟