اشيا منحبها
بتعرفوا شو أول غنية للست فيروز؟!
فيروز…صوتا الملائكي بفوت على القلب والروح. بمجرد ما نسمع بإسمها، منرجع منسترجع ذكريات الطفولة الحلوة والصباحات يلي كان يزينها صوتها الدافي.
واليوم رح نرجع بالزمن شوي لورا ونحكي عن سر من أسرار الست فيروز! حفظنا كل أغانيها عن غايب، بس بتعرفوا شو كانت أول غنية سجلتها؟
أول غنية سجلتها فيروز كانت من توقيع عملاق من عمالقة الفن، حليم الرومي شخصيا! يمكن ما بتذكروا كتير غنية “عاشق الورد” بمشاركة حليم الرومي، بس هيدي كانت البداية الحقيقية لمسيرة فيروز الأسطورية
من بعد “عاشق الورد”، ما توقفت فيروز للحظة. انطلقت تغني تحفة ورا تحفة من تلحين فناني وموسيقيين كبار وقديرين متل جورج فرح وجورج ضاهر بس بوقتها فيروز ما كانت بعد وصلت للنجومية يلي بتستاهلها. و بعد فترة، رجعت تعاونت مع حليم الرومي وقدمت غنية جديدة خلدتها للأبد، “يا حمام”.
وحتى الخبريات بتقول إنو الإستاذ حليم الرومي هوي أول مين اكتشف فيروز وأطلق عليها هل إسم وهوي عرفها على الرحابنة وعلى جوزها.
هيك كانت انطلاقة فيروز، خطوة خطوة، من حليم الرومي للأخوين رحباني، لغاية ما وصلت للقمة و صارت أسطورة بالغناء العربي!
فيكن تسمعوا غنية عاشق الورد بمشاركة حليم الرومي هون:
شوفوا كمان، ٣ فيديو كليبات الأغاني مصورة على طريقة الكرتون.