مهرجان التين راجع ع عاليه… تين وموسيقى وجو قروي (دخول مجاني)

رجع مهرجان التين للسنة، ورح يجمع أهل الضيعة والزوار بـ المشرفة – عاليه من الجمعة 18 للأحد 20 أيلول 2026، ابتداءً من الساعة 5:00 المسا.

المهرجان بيحتفل بموسم التين وبالتراث الزراعي للضيعة، وبيسلّط الضو ع مزارعين و منتجات المحلية، مع برنامج من موسيقى، عروض، أكل و نشاطات.

عن مهرجان التين

المشرفة معروفة بزراعة التين، اللي صار جزء من هويتها وتراثها الزراعي. وبينظّم النادي الشبابي المحلي المهرجان بهالفترة من كل سنة للاحتفال بالموسم ودعم المزارعين بالمنطقة.

وخلال أيام المهرجان، رح تلاقوا بسطات للمزارعين وبياعين مع تين طازة ومنتجات زراعية ومحلية متنوعة.

شو فيكن تعملوا؟

موسيقى وحفلات: البرنامج الموسيقي بيضم فنانين ومغنين وعروض موسيقية خلال ليالي المهرجان. نهار الجمعة 18 أيلول، الموعد مع الفنان رشيد فوعاني بحفلة الساعة 9:00 المسا، ونهار الأحد 20 أيلول، بيحيي الفنان أدهم القاق حفلة غنائية الساعة 9:00 المسا.

دبكة وعروض تراثية: المهرجان بيفتتح بعرض لفرقة الأصايل للدبكة اللبنانية التراثية نهار الجمعة الساعة 5:00 بعد الضهر.

عروض وترفيه: مسرحيات وعروض مختلفة للصغار والكبار.

ألعاب وتحديات: نشاطات وألعاب مناسبة لمختلف الأعمار.

سوق زراعي محلي: فرصة لاكتشاف ودعم منتجات المزارعين والبائعين المحليين.

سوق أكل: كيوسكات سناكات، حلويات ومشروبات خلال أيام المهرجان.

شو لازم تعرفوا:

📅 18، 19 و20 أيلول 2026
⏰ ابتداءً من 5:00 المسا
📍 المشرفة – عاليه
🎟️ الدخول مجاني

خبرونا، محمسين لمهرجان التين بعاليه؟

شوفوا كمان:

12 محل جديد بلبنان رح تسمعوا عنن كتير