“فاضي لقهوة؟ بفضي حالي…” الشي الوحيد يلي ما بيتغير بلبنان هوي حب الأكل الطيب والمشاوير الحلوة واليوم مشوارنا على زحلة مطرح ما رح تلاقوا كافيه فتح بوابو جديد: صالون زحلة.
via: rattanhun
مجرد ما تدعسوا بالكافيه رح ترتاح نفسيتكن، قهوة كلا حجر من جوا، كراسي قش متل تبع التيتا، وتكايات وين ما كان، رح تشعروا مع كل شفة قهوة بحكاية ورا حكاية.
via: rattanhun
عندن كمان قطع أثرية من إيام زمان متل تلفون عتيق، وصور للبنان الزمن الجميل وشفة قهوة، الألحان القديمة والعشب المندندل من السقف.
via: rattanhun
والأهضم من هيك: عندن ببغا ولا أهضم من هيك بيحكي معكن وبسلم عليكن بس تجو وبتتصاحبوا معو.
صالون زحلة بقدم كل أنواع القهوة والمخبوزات، من الكيك للكرواسان للمعجنات والسلطات والحلويات متل البسكويت والراحة وغيرها.
تفاصيل الكافيه بيتوتية وقريبة من القلب، من الخزانة المليانة من فوق لتحت بالمونة اللبنانية من مربيات والأعشاب والشايات، للمهوايات والصور اللبنانية العتيقة والجمل الجبلية بكل زاوية من المحل.
كل شي مخبورات أكلات بينعمل طازة وبيطلع دغري من الفرن على رفوفن!
إذا حبيتوا تجوا على الترويقة بحضرولكن بيض عيون وجبنة حلوم وصحن خضرا وشفة قهوة وبتتحلوا بالراحة مع البسكوت وغير هيك بحضروا كمان كريبات وكل أنواع القهوة.
كمان بيستقبلكن على الضهر على أطيب أكلات مع دق طاولة ودق ورق. كافيه مميز لمحبي القهوة وقعدات الرواق وجو الضيعة الحلو.
هالكافيه مميز إذا عبالكن شي طيب وخفيف هالربيع. القهوة عندن بيقدموها بطعمات مميزة ومبتكرة والقهوة اللبنانية مقدمة بفناجين شفة عتيقة، كعكات، ومخبوزات ع الصاج، بتلاقوا كمان فواكة فريش مع شوكولا وحلويات طيبة متل الكريب مع أشهى الإضافات وعريشة وعسل، حلاوة، سحلب وحليب وكعك!
via: rattanhun
يلا عملوا مشوار على زحلتنا الحلوة وخبرونا عن تجربتكن: 661 442 81
via: rattanhun
شوفوا كمان، اختراع جديد: ورق عنب مقلي!