٨ محلات ربيعية لازم تزوروها بلبنان!

قديه صرلنا ناطرين الربيع والورد المفتح؟ ما في أحلى من منظر مغيب الشمس والورود المفتحة والأكل الطيب بهيك طقس مع شوية رومانسية وجمال، شوفوا معنا ٨ محلات مميزة لأحلى جلسة ربيعية.

١. كيف، جزين

هالمحل المليان بالورود ناطركن لتعيشوا بقلبو أجواء الربيع يلي بتحبوها، عندن قعدة جوا وبرا بين الزهور يلي بتفرفح القلب، الأكل بيتوتي وبشهي وبيعملوا طبخات بتفتح النفس وأكيد عندن أطيب المشروبات والحلويات، رح تحسوا بجو الربيع على الآخر.

الرقم: 449 441 70

٢. الحوش، البقاع

هيدا المحل عبارة عن منتجع وقرية بيئية موجودين بأحضان الطبيعة. الأكل بالجنينة ولا أطيب، ركزوا على الألوان، التفاصيل، الخشب، الإشيا القديمة والجديدة، النملية، القعدة الجبلية وهويات البقاع وبتعيشوا عندن أجمل إيام الربيع.

الرقم: 1662 563 855 01

٣. Little Reed، بيت مري

مطعم بيشبه بيوت الضيعة العتيقة، محاط بالطبيعة والحيوانات وبعج بالتقاليد المهضومة. يعني بتجوا بتستمتعوا بالأكل البيتوتي اللذيذ وبتستمتعوا بحياة القرية وبطعموا الحيوانات. وبيعملوا كمان بوفيه مفتوح كل فترة، أكل أصيل وبيتوتي من الأرض مع مونة بلدية كلو مشغول من الجنينة.

الرقم: 300 007 76

٤. بيوماس، جربتا

من أجمل المطاعم الربيعية يلي ممكن تزوروها، شجر، مراجيح، طاولات وكراسي خشب، مزرعة، حيوانات، قعدة بالغابة، مشروب وعصير، ورود وأكل كتير طيب ناطركن. بتجوا وبتستفيدوا من البوفيه المفتوح والطبخات والقعدة اللذيذة والجو الربيعي.

الرقم: 532 532 03

٥. مطعم السائح، الباروك

المنظر من هالمحل بيسحر وبطل على أجمل الجبال والوديان، بقلب غابة الأرز بالشوف، بقدم سفرة لبنانية غير شكل وبعد الغدا بتشربوا أطيب فنجان قهوة مع منظر بياخد العقل مع مشاوي ومازة لبنانية أصيلة ومنظر روعة على محمية الشوف.

الرقم: 587 240 05

٦. فيلا كلارا، الصيفي

هيدا المحل رجع فتح وجايبلكن كل يوم مينو حسب شو عندن، القعدة برا كتير مميزة والطاولات مليانين ورود والأكل كتير طيب وبخليكن تحسوا إنكن بشوارع فرنسا.

الرقم: 491 910 81

٨. Le Télégraphe de Bellevue، بحمدون

هيدا المحل عبارة عن مطعم فرنسي قاعد بنص الطبيعة وبوتيك نبيد جبلية ساحرة الجمال عندو قعدة جبلية وعصافير وصوت الزيزان بين الورود والشجر الأخضر، هونيك حتستمتعوا بجو الربيع والمزاج الجيد.

الرقم: 383 628 70

٧. مكان، مار مخايل

هالمحل المميز مش بس مطعم، هوي بيت مع تراس من الخيال. قعدوا برا ودردشوا انتو ومحاوطين بالورد والزهور. مع إنو هالمحل بنص المدينة، رح تحسوا حالكن نتقلتوا عالضيعة. بالنسبة للأكل، المنيو بيتغر كل فترة بس أكتر الأوقات بقدم أكلات هندية وآسيوية أكيد رح تعجبكن.

الرقم: 057 954 70

شوفوا كمان، بيت ضيافة حجر من الأحلام ناطركن بأنفه.