بيت ضيافة حجر من الأحلام ناطركن بأنفه!

مين عبالوا ترجع الصيفية ويرجع يشوف منظر البحر ويحس بدفا الشمس؟

ضبوا شنطكن وتوجهوا على قلب منطقة أنفه يلي بتاخد العقل، وهونيك بتلاقوا أحلى فيلا من حجر ما صرلها زمان: Le Vieux Quartier.

عنجد إسم ع مسمى لأن هالفيلا قديمة بس بنفس الوقت جمالها ساحر، تصميمها من حجر أثري وجواتها مع فرش عتيق متل تبع إيام الزمانات.

برا في سطيحة مع نبعة مي ومحل لتتشمسوا وحتى في بيسين بالصيفية وبتقعدوا بترتاحوا وبترخوها.

البيت بيطغي علي لون الأزرق والأبيض متل الوان سانتوريني.

ولأجمل صبحية، مع فنجان قهوة بعبي الراس، هيدا التراس هوي حلمكن الحقيقي.

وللأشخاص اللي بحبوا القعدة الرايقة والحلوة وقت غروب الشمس، هيدا البيت هوي المكان المناسب. جربوا وانسىوا كل شي شاغلكن بالكن.

ضروري تروحوا كزدورة على شط أنفه وتشوفوا الملاحات! ولا أحلى من هيك! وبالنهار كمان فيكن تتمشوا بالسوق العتيق وتزوروا “تحت الريح” والكنايس الأثرية وتشربوا عصير وتاكلوا بوظة.

الأسعار ببتراوح بين 100$ و125$ على الليلة.

شوفوا كمان، ٩ محلات سوشي خرج ضهرة مع حبيبكن!